जळगाव : जिल्ह्यात कोरोनाचा संसर्ग वेगात सुरु असून गुरुवारी आणखी २७९ नव्या रुग्णांची नोंद झाली. त्यामुळे तीनशेपर्यंत घटलेल्या सक्रिय रुग्णांची संख्या आता दोन हजारांच्या टप्प्यात आली आहे. 

आवर्जून वाचा- पदाधिकारी राष्ट्रवादीचा, गमछा भाजपचा आणि प्रवेश सत्कार मनपा अधिकाऱ्यांचा; काय आहे हा प्रकार? जाणून घ्या  
 

जळगाव जिल्ह्यात गेल्या आठवड्यापासून कोरोनाच्या नव्या रुग्णांची संख्या दिवसेंदिवस वाढत आहे. मंगळवार व बुधवार असे सलग दोन दिवस तीनशेहून अधिक रुग्ण समोर आल्यानंतर गुरुवारी त्यात अल्प घट आली. गुरुवारी प्राप्त अहवालातून २७९ नवे रुग्ण समोर आले असून एकूण रुग्णसंख्या ५९ हजार ८६४ झाली आहे. अर्थात, बुधवारी २४०० पेक्षा अधिक चाचण्यांचे अहवाल प्राप्त झाले होते, त्याची संख्या गुरुवारी १८४६ एवढीच होती. वाढलेल्या रुग्णसंख्येने सक्रिय रुग्णांचा आकडा १९२९वर पोचला आहे. 

बळी पोचले १३८१वर 
गेल्या २४ तासांत जळगाव शहरातील ४६ व ६४ वर्षीय पुरुष रुग्णांचा मृत्यू झाला. त्यामुळे बळींचा आकडा १३८१वर पोचला आहे. तर दिवसभरात १३८ रुग्ण बरे झाल्यानंतर बरे होणाऱ्यांची संख्या ५६ हजार ५५४ झाली आहे. 

आवश्य वाचा- जळगाव विमानतळावरून लवकरच आंतरराष्ट्रीय विमान आकाशात झेपावणार    ​
 

जळगावात भीषण स्थिती 
जिल्ह्यात रुग्णसंख्या वाढत असताना त्यापैकी जवळपास ७० टक्के रुग्ण एकट्या जळगाव शहरातील आहेत. गुरुवारी जिल्ह्यातील २७९ पैकी जळगाव शहरातील रुग्णसंख्या तब्बल १२३ होती. त्याखालोखाल चाळीसगाव तालुक्यात ४५, चोपडा ३३, मुक्ताईनगर २०, जामनेर १८, पाचोरा १०, जळगाव ग्रामीण ९, भुसावळ ४, यावल ५,भुसावळ ३, अमळनेर २ असे रुग्ण समोर आले. 
 

संपादन- भूषण श्रीखंडे