अमळनेर : मुलाला मारून टाकेल, अशी धमकी देत २६ वर्षीय महिलेवर अत्याचार करणाऱ्या डांगरी जेठ तसेच गर्भवती असताना पोटावर लाथा बुक्क्यांनी शिवीगाळ करणाऱ्या जेठानी, सासू, सासऱ्याविरुद्ध गुन्हा दाखल करण्यात आला आहे. (Latest Marathi News)

तालुक्यातील डांगरी येथील २६ वर्षीय महिलेला तिचा जेठ गोपाळ खंडू भोई याने पाच, सहा महिन्यांपूर्वी आणि ५ ऑगस्टला सकाळी साडेसातला तुझ्या मुलाला मारून टाकेल, असे सांगून तिच्या इच्छेविरुद्ध शारीरिक संबंध ठेवून तिला गर्भवती केले. तसेच जेठानी मनीषा भोई, कलाबाई खंडू भोई ,खंडू भीमा भोई (रा. डांगरी) यांनी तिच्या पोटावर लाथाबुक्क्यांनी मारहाण केली व अश्लील शिवीगाळ केली.

महिलेने धुळे शहर पोलिस ठाण्यात फिर्याद दिल्यावरून शून्य क्रमांकाने गुन्हा दाखल करून मारवड पोलिस ठाण्यात गुन्हा वर्ग करण्यात आला आहे. सहाय्यक पोलिस निरीक्षक जयेश खलाणे यांच्या मार्गदर्शनाखाली पोलिस उपनिरीक्षक विनोद पाटील तपास करीत आहेत.