अडावद: सातपुड्यातील देवझिरी वनक्षेत्रात उभ्या झाडांची कत्तल करण्यास मज्जाव करणाऱ्या वनकर्मचाऱ्यांवर तुफान दगडफेक करण्यात आली. यात आठ कर्मचारी जखमी झाले. जमाव पांगविण्यासाठी हवेत बंदुकीतून दोन फैरी झाडल्या. याबाबत ३० ते ३५ जणांविरुद्ध गुन्हा दाखल झाला आहे. 

आवश्य वाचा- माळू माफियांची दादागिरी ! पाठलाग करणाऱ्या प्रातांधिकाऱ्याच्या गाडीला डंपरने दिली धडक
 

देवझिरी वनक्षेत्रात सागवान तस्कर सायंकाळी लाकडे तोडत होते. यावेळी वन विभागाचे पथक येवून त्यांनी लागडे तोडण्यास मज्जाव केला, म्हणून रवींद्र बारेला व भागड्या भिलाला (रा. मोहनपुरा, ता. वरला, जि. बडवाणी) यांना वनकर्मचाऱ्यांनी जंगलात पळविले. तसेच ३० ते ३५ अनोळखी व्यक्तींनी वनकर्मचाऱ्यांवर गोफणीने दगडफेक केली.

वन विभागाने केली फायरिंग

यामुळे एसआरपीएफ जवान, वन विभागाचे कर्मचारी व रोजंदारीच्या कर्मचाऱ्यांना दुखापत केली. शेख आसिफ शेख अकबर यांच्यावर कुऱ्हाड वार केला. वनकर्मचाऱ्यांनी जमावाला पांगविण्यासाठी बंदुकीतून दोन फैरी केल्या. याबाबत वनक्षेत्रपाल सोनवणे यांच्या फिर्यादीवरून अडावद पोलिस ठाण्यात अज्ञात ३० ते ३५ जणांविरुद्ध गुन्हा दाखल झाला आहे.  

संपादन- भूषण श्रीखंडे