पाळधी (जि. जळगाव) : येथे मंगळवारी (ता. २८) दोन गटांत झालेल्या दगडफेकीनंतर गावात संचारबंदी लागू करण्यात आली. (curfew remains in force in paldhi jalgaon news)

सलग तिसऱ्या दिवशीही सर्व व्यवसाय पूर्ण बंद करण्यात आल्याने येथील जनजीवन ठप्प झाले आहे. दरम्यान,शुक्रवारी भरणारा आठवडे बाजार बंद ठेवण्यात आला होता. दरम्यान, या प्रकरणी आतापर्यंत ५८ जणांना अटक झाली आहे.

पाळधी गावात शुक्रवारी (ता. ३१) कोणताही अनुचित प्रकार घडला नसून गावात शांतता होती. आठवडे बाजार बंद ठेवण्यात आल्याने अनेक नागरिकांचे हाल झाले. दरम्यान, गावांत कायदा व सुव्यवस्था कायम राहावी, यासाठी संचारबंदी २ एप्रिलपर्यंत वाढविण्यात आली आहे.

हेही वाचा : जीएसटीसाठी नोंदणी केलीच नाही तर??

फरार संशयितांचा पोलिसांनी शोध घेण्याचा प्रयत्न केला. मात्र कोणी सापडले नाही, त्यांचा ठावठिकाणा काढून त्यांना अटक करण्यात येईल, अशी माहिती सूत्रांनी दिली. सलग तीन दिवस बंद असल्याने नागरिकांना अनेक अडचणींचा सामना करावा लागत आहे. गावात पोलिस बंदोबस्त चोख आहे.