जळगाव : तरुणीचे लग्न मोडण्यासाठी तिचे मित्रासोबतचे फोटो इन्स्टाग्रामवर (Instagram) टाकून बदनामी (Defamation) केल्याचा प्रकार जिल्ह्यातील एका गावात घडला. याप्रकरणी सायबर पोलिसांत (Cyber Police)गुन्हा दाखल झाला. जिल्ह्यातील एका गावात १९ वर्षीय तरुणी वास्तव्यास आहे. ती शिक्षण घेत असून, तिचे लग्न जुळले आहे.

तरुणीचे लग्न होऊ नये, यासाठी इन्टाग्रामवर विशू नेमाने हे खाते असलेल्या अनोळखी व्यक्तीने तरुणीचे तिच्या मित्रासोबत फोटो इन्स्टाग्रामवरून अपलोड केले. तसेच तरुणीचे लग्न जुळलेल्या तिच्या भावी पतीलाही संबंधित फोटो पाठवून तिची बदनामी केली, अशी तक्रार तरुणीने जळगाव सायबर पोलिसांत दिली असून, त्यावरुन विशू नेमाने हे खाते असलेल्या अनोळखी व्यक्तीविरोधात गुन्हा दाखल झाला आहे. तपास पोलिस निरीक्षक लीलाधर कानडे करीत आहेत.