Jalgaon Cotton News : गेल्या काही दिवसांपासून कापसाचे खेडा खरेदीत क्विंटलमागे दोनशे ते तीनशे रुपयांची घसरण झाल्याने कापूस उत्पादक कोंडीत सापडले आहेत.
कापसाचे सर्वसाधारण दर दोन वर्षांपूर्वी १४ हजार ३०० रुपयांपर्यंत पोचले होते. (farmers worried due to decreasing price of cotton jalgaon news)
मागीलवर्षी ९ हजार २०० ते ९ हजार ५०० रुपये क्विंटलपर्यंत भाव जाऊन हंगाम अखेर ७ हजार ५०० रुपयांवर आले होते. दहा हजारांच्या आशेवर असलेल्या अनेक शेतकऱ्यांचा कापूस अजूनही गावागणिक दोन, तीन शेतकऱ्यांकडे पडून आहे.
गेल्या काही वर्षांचा आढावा घेतल्यास वर्षांअखेर व नाताळच्या दरम्यान कापसाचे दर काहीसे कमी झाल्याचे दिसून येतात. आंतरराष्ट्रीय स्तरावर दरातील घडामोडी, शिल्लक साठा आणि यावर्षी उत्पादीत होणारा कापूस या सर्वांचा परिणाम पसाच्या बाजारभावातील दराशी येत असतो.
यावर्षी बोंडअळीमुळे कपाशीचे पीक शेतकऱ्यांना परवडणारे नसल्याचे स्पष्ट झाले आहे. सध्या गहू, मका, भुईमुगाची पेरणी व उन्हाळी कांदा लागवड सुरू असल्याने शेतकऱ्यांना पैशांची गरज आहे. त्यामुळे बहुसंख्य शेतकरी कापूस विक्री करण्याच्या मनःस्थितीत असले तरी भाव नसल्याने शेतकऱ्यांची सध्या घुसमट सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.