जळगाव : शहरातील रामानंदनगर परिसरातील एका विद्यार्थिनीला अनोळखी व्यक्तीने अश्लील मेसेज पाठविल्याची घटना समोर आली आहे. याप्रकरणी सायबर पोलिसात गुन्हा दाखल झाला आहे. जळगाव शहरातील एका भागात २१ वर्षीय तरुणी वास्तव्यास असून ती शिक्षण घेत आहे. २२ ते २५ जूनदरम्यान तरुणीच्या मोबाईलवरील व्हॉटस्ॲपवर अनोळखी व्यक्तीने अश्लील संदेश तसेच छायाचित्र पाठविले. याबाबत तरुणीने शनिवारी ८७६७६८७४७९ या मोबाईल क्रमांकाच्या अनोळखी व्यक्तीविरोधात सायबर पोलिसात तक्रार दिली. संशयिताविरोधात आयटी ॲक्टनुसार गुन्हा दाखल झाला आहे.