पाचोरा : येथील चर्मकार समाजबांधवांच्यावतीने पालिकेच्या मुख्याधिकारी शोभा बाविस्कर यांना निवेदन देऊन घरकुल योजनेचा (Gharkul Yojana) लाभ देण्याचे साकडे घातले आहे. (gharkul yojana 2023 charmakar community request Chief Executive Officer of Municipality Benefit of Gharkul Yojana jalgaon news)

बस स्थानकामागील भागात गेल्या ४० वर्षांपासून ६० ते ७० चर्मकार बांधव कुटुंबीय वास्तव्यास असले तरी त्यांना माता रमाई आवास, पी. एम. आवास योजना अशा कोणत्याही योजनेचा आजपर्यंत लाभ मिळालेला नाही.

घरकुल योजनेच्या लाभांपासून चर्मकार समाजबांधव वंचित आहेत. पालिकेच्यावतीने घरकुल योजनेचा लाभ देण्यात यावा, यासाठी चर्मकार समाज संघटनेचे तालुकाध्यक्ष गोवर्धन जाधव यांच्या नेतृत्वाखाली शोभा बाविस्कर यांना निवेदन देण्यात आले.

हेही वाचा : नेट बँकिंग खात्यात ठेवा कमी रक्कम...जाणून घ्या कारण

याप्रसंगी कौशल्य गायकवाड, लता जाधव, निर्मला पवार, रंभा पवार, शारदा खरे, लता जाधव, जानकाबाई जाधव, सीताबाई पवार, वैशाली कोळी, संगीता पवार, सुनीता जाधव, पूजा खरे, केसरबाई जाधव यांनी निवेदन दिले.