Girish Mahajan News : माझा साधा शिवसैनिक उभा राहिला, तरी निवडणूक जिंकून येईल असे सांगण्याऱ्या खासदार संजय राऊत यांनी ईशान्य मुंबईतून निवडणूक लढवून जिंकून येवून दाखवावेच, असे आव्हान राज्याचे ग्रामविकास मंत्री व भारतीय जनता पक्षाचे नेते गिरीश महाजन यांनी दिले आहे. (girish mahajan challenges sanjay raut to Contest election from North East Mumbai jalgaon news)

जळगाव जिल्हा नियोजन मंडळाच्या बैठकीनंतर श्री. महाजन पत्रकारांशी बोलत होते. ते म्हणाले, खासदार संजय राऊत हे नेहमी अवाहन देत असतात. साधा शिवसैनिक उभा राहिला तरी निवडून येईल आणि पक्षाने सांगितल्यास मी निवडणूक लढविण्यास तयार आहे.

त्यामुळे त्यांनी आता ईशान्य मुंबईतून लोकसभेची निवडणूक लढवून दाखवावीच. गप्पा करणे, गोष्टी करणे हे सर्व सोपं असतं. परंतु माझे त्यांना आव्हान आहे.

हेही वाचा : Credit Card फसवणूक....काय घ्याल काळजी?

त्यांनी खासदारकीला उभे रहावेच. ते कधी साधी महापालिकेची निवडणूकही लढलेले नाहीत.

मात्र, मोठ-मोठ्या गप्पा मारत असतात. त्यामुळे खासदारकीच्या निवडणूकीत आपल्याला किती मते पडतात, हे त्यांनी एकदा तपासून पहावे, असा टोलाही त्यांनी खासदार राऊत यांना लगावला.