Jalgaon News : प्रधानमंत्री किसान सन्मान निधी योजनेत केंद्र सरकार शेतकऱ्यांना वार्षिक सहा हजार रुपये थेट शेतकऱ्यांच्या बँक खात्यात जमा करतात.

त्याच धर्तीवर राज्य सरकारने ‘नमो शेतकरी निधी’ ही योजना मंजूर केली असून, यासाठी शेतकऱ्यांच्या प्रलंबित ई-केवायसी, बँक खाते आधारशी तत्काळ संलग्न करा, असे आदेश राज्याचे ग्रामविकास मंत्री गिरीश महाजन यांनी दिले आहेत.()

जळगाव जिल्ह्यातील अंदाजित ७२ हजार शेतकऱ्यांचे केवायसी, बँक आधार संलग्न प्रलंबीत आहेत. हे काम अपूर्ण राहिल्यास शेतकरी केंद्र व राज्य सरकारचा निधी मिळण्यापासून वंचित राहतील.

यासाठी राज्य सरकारच्या कृषी विभागाने तत्काळ गावपातळीवर ऑनलाईन ॲपद्वारे, सेतू सुविधा केंद्राच्या मदतीने काम पूर्ण करावे, असे आदेशही त्यांनी दिले आहेत. यासाठी भारतीय जनता पक्ष व जी. एम. फाउंडेशनचे प्रतिनिधी गावपातळीवर कृषी सहाय्यकांना सहकार्य करणार आहेत.

हेही वाचा : Credit Card फसवणूक....काय घ्याल काळजी?