जळगाव : औद्योगिक वसाहतील रेमंड कंपनीसमोरील चहाविक्रेत्याने त्याच्या मित्राच्या नावे कर्जावर ३२ हजारांचा फ्रीज घेऊन तो मुलीच्या लग्नात दिला. फ्रीजचे पैसे मागितल्यावर संबंधिताला ठार मारण्याची धमकी दिली. (give refrigerator in girl marriage by fraud Jalgaon Crime News)

हेही वाचा : सूर्यकुमार...भारतीय क्रिकेट मधला 'लंबी रेस का...'

पाचोरा येथील अक्सानगरमधील रहिवासी अन्वर गुलाब पटेल खासगी वाहन चालवून कुटुंबाचा उदरनिर्वाह करतात. त्यांच्या ओळखीचा नाना सोनवणे याच्या मुलीचे लग्न असल्याने त्याने विनंती केल्यावरून अन्वर पटेल याने त्याच्या खात्यावर पाचोरा येथील प्रकाश इलेक्ट्रॉनिक्स ॲन्ड अप्लाईन्सेसमधून ३२ हजार रुपयांचा फ्रीज कर्जावर घेऊन दिला.

नाना सोनवणे याच्याकडे फ्रीजच्या पैशांची मागणी केली. त्याने अन्वर पटेल यास शिवीगाळ करून पैसे न देता ठार मारण्याची धमकी दिली. या प्रकरणी पोलिसांत तक्रार दिली आहे. मात्र, पोलिसांनी तक्रारीची दखल न घेतल्याने अन्वर पटेल यांनी अखेर जळगाव गाठत जिल्‍हा पोलिस अधीक्षक कार्यालयात निवेदन दिले आहे.