जळगाव : जशी थंडी वाढतेय तसतसे सोन्या, चांदीच्या दरातही वाढ होतयं. शुक्रवारी (ता. ९) सोन्याच्या दराने ‘जीएसटी’सह ५५ हजार ४१४ रुपयांचा टप्पा (प्रतितोळा) पार केला, तर चांदीनेही प्रतिकिलो ६८ हजार ४९५ रुपयांचा टप्पा ओलांडला आहे. ४ डिसेंबरला सोने ५३ हजार ८०० प्रतितोळा, तर चांदी ६५ हजार प्रतिकिलो (जीएसटी विना) होती.

४ डिसेंबरला सोन्याच्या दरात प्रतितोळा तीन हजारांची, तर चांदीच्या दरात प्रतिकिलो साडेपाच हजारांची वाढ झाली होती. आगामी काळात सोन्याचे दर प्रतितोळा ६० हजारांचा टप्पा गाठेल, असा अंदाज सुवर्ण व्यावसायिकांनी वर्तविला आहे, तो आता पूर्णत्वाकडे येत आहे. (Gold Rates reaches 55 thousand rank Silver reaches 1500 rupees Jalgaon News)

हेही वाचा : देशाचे नवे पर्यायी चलन ‘डिजिटल रुपी’

गेल्या महिन्यात सुरू झालेल्या लग्नसराईमुळे सोन्याला मोठी मागणी होत आहे. सुवर्ण व्यवसायिकांच्या अनुभवानुसार सोने, चांदीच्या दरात हवी तशी भाववाढ होत नव्हती. आता चांगला दर सोने, चांदीला मिळाला आहे. तो आणखी वाढेल, अशी शक्यता आहे.

२५ नोव्हेबरला चांदीत तब्बल दीड हजारांची वाढ होऊन चांदी ६३ हजार ५०० पर्यंत पोचली होती. १ डिसेंबरपासूनही सोने- चांदीच्या दरात सातत्याने वाढ होत आहे. यादिवशी सोने ५३ हजारांवर, तर चांदी ६४ हजारांवर पोचली होती. शुक्रवारी सोने ५३ हजार ८०० प्रतितोळा (विनाजीएसटी), तर चांदी ६६ हजार ५०० वर पोचली आहे.

काही दिवसांतील दर असे (जीएसटीविना)

तारीख-- सोने प्रतितोळा -- चांदी प्रतिकिलो

१ डिसेंबर-- ५३ हजार-- ६४ हजार

४ डिसेंबर-- ५३ हजार ८००-- ६५ हजार

८ डिसेंबर-- ५३ हजार ६००-- ६५ हजार

९ डिसेंबर-- ५३ हजार ८००-- ६६ हजार ५००