Chandrayaan 3 : पिंपळगाव हरेश्वर (ता. पाचोरा) येथील इस्रोमध्ये ज्युनिअर सायंटिस्ट म्हणून कार्यरत असलेल्या ऋषिकेश सावळे यांनी नुकत्याच झालेल्या चंद्रयान ३ च्या उड्डाणात यशस्वी सहभाग घेतला. (Hrishikesh Savle Junior Scientist at ISRO participated in recent Chandrayaan 3 flight jalgaon news)

‘चंद्रयान ३’ चे आंध्र प्रदेशातील श्रीहरिकोटा केंद्रातून नुकतेच यशस्वी उड्डाण झाले. हे यान २४ ऑगस्टपर्यंत चंद्राच्या दक्षिण ध्रुवावर उतरणार असून, तिथे दहा दिवस थांबून अभ्यास करून परतणार आहे.

हेही वाचा : Credit Card फसवणूक....काय घ्याल काळजी?

या यशस्वी उड्डाणात पिंपळगाव हरेश्वर येथील रहिवासी व इस्रोमधील ज्युनिअर सायंटिस्ट ऋषिकेश सावळे यांचा महत्त्वाचा सहभाग राहिला असून, सावळे हे गेल्या २०१७ पासून इस्रोत कार्यरत आहेत.

(कै.) रमाकांत सावळे यांचे ते सुपुत्र तर उपशिक्षक अर्जुन सावळे यांचे पुतणे आहेत. ग्रामविकास विद्यालयाचे माजी विद्यार्थी असून, त्यांनी पुणे येथील शिक्षण घेऊन इस्त्रोमध्ये ते कार्यरत आहेत.