अमळनेर : बाजार समितीत सोमवारी (ता. ८) २० हजार क्विंटल मालाची विक्रमी आवक झाल्याची माहिती सचिव डॉ. उन्मेष राठोड यांनी दिली. सकाळी सुमारे साडेपाचशे वाहनांची गर्दी झाली होती. वाहनांना रांगेत उभे करण्यासाठी १५ कर्मचारी नियुक्त केले होते. कडक उन्हाळा असल्याने वाहने उन्हात उभी होती. (Jalgaon 20 thousand quintals goods inflow in Amalner Market Committee)

मात्र सभापती अशोक पाटील यांनी शेतकऱ्यांना व वाहनचालकांना जागेवर थंड व शुद्ध पाणी पुरविण्यासाठी तीन कर्मचारी नियुक्त केले होते. लिलाव सुरळीत व्हावा व बाहेरील शेतकऱ्यांना योग्य भाव मिळावा, म्हणून सभापती अशोक पाटील, उपसभापती सुरेश पाटील, संचालक समाधान धनगर लिलावावेळी थांबून होते.

गव्हाची ४ हजार क्विंटल आवक झाली. गव्हाला कमाल भाव ३०११, बाजरीची १५०० क्विंटल आवक झाली. कमाल भाव २,४३५ रुपये, दादरची तीन हजार क्विंटल आवक झाली. (latest marathi news)

कमाल भाव ४२०० रुपये, ज्वारीची तीन हजार क्विंटल भाव २४३९ रुपये, मका ६ हजार क्विंटल भाव २१०० रुपये, व्ही टू चना १५०० क्विंटल आवक झाली. भाव ८१५५ रुपये होता. यासह गावठी हरभऱ्याला ५९००, गुलाबी हरभऱ्याला ८०७१ रुपये, चापा हरभऱ्याला भाव ५७११ रुपये, डॉलर हरभऱ्याला १० हजार रुपये प्रतिक्विंटल भाव मिळाला.