मुक्ताईनगर : सालबर्डी (ता. मुक्ताईनगर) येथील एका तरुण शेतकऱ्याने सततच्या नापिकीमुळे शेतातच विषप्राशन केले. दरम्यान, शुक्रवारी (ता. २८) मध्यरात्री उपचार सुरू असताना या शेतकऱ्याचा मृत्यू झाला.

सालबर्डी येथील ललित संजय झोपे (वय ३१) यांची साडेतीन एकर शेती आहे. सततची नापिकी व शेती पिकांवर उद्भवणारे नैसर्गिक आपत्तीचे संकट यातून आर्थिक परिस्थिती अधिकच खालावली.(Jalgaon Agriculture Update Young farmer commits suicide due to lack of unproductivity Jalgaon News)

अखेर आर्थिक नुकसानीला कंटाळून या तरुण शेतकऱ्याने शेतात विषारी द्रव्य प्राशन केल्याची घटना गुरुवारी (ता. २७) सकाळी उघडकीस आली. त्याची प्रकृती प्रचंड खालावल्याने उपचारार्थ जळगाव जिल्हा सामान्य रुग्णालयात हलविण्यात आले.

तेथे अतिदक्षता विभागात त्याच्यावर उपचार सुरू असताना शुक्रवारी (ता २८) मध्यरात्री साडेतीनच्या सुमारास त्यांचा मृत्यू झाला. या मयत शेतकऱ्याच्या पश्चात पत्नी, आई, दोन मुले असा परिवार असल्याने घरातील कुटुंब प्रमुख हरविल्याने झोपे कुटुंबीयांवर दुःखाचा डोंगर कोसळला आहे.