Jalgaon Rain Damage : शहरात गेल्या तीन ते चार दिवसांपासून सुरू असलेल्या पावसाच्या रिपरिपमुळे शहरातील सर्वच रस्त्यांवर खड्डे पडून चाळण झाली आहे. यामुळे वाहनधारकांना वाहन चालविताना कसरत करावी लागत आहे. महापालिकेने लवकरात लवकर खड्डे बुजवावेत, अशी मागणी नागरिकांसह वाहनधारकांनी केली आहे. (Jalgaon City roads damaged due to heavy rain)

शहरातील शिवाजीनगर पुलाजवळील रस्त्यावर, टॉवर चौक ते कोर्ट चौक, शाहूनगर, टॉवर चौक ते नेरी नाका, नेरी नाका ते अजिंठा चौफुली, एस. टी. वर्कशॉप ते काशिबाई उखाजी कोल्हे शाळा, कोल्हे शाळा ते कालिंकामाता, पिंप्राळा रस्ता, जुने जळगाव रस्ता, असोदा रस्ता, रामानंदनगर परिसर, हरिविठ्ठलनगर आदी उपनगरांतील रस्ते पावसाने उखडले आहेत.

खड्ड्यांमुळे दुचाकीसह वाहनांचे अपघात होत आहेत. दुचाकीस्वारांना खड्ड्यातून वाहने नेताना कंबरदुखी, हातदुखीसह अनेक व्याधी जडत आहेत. महापालिकेने खड्डे बुजविण्याची मागणी नागरिकांनी केली आहे.