Jalgaon Crime News : आगामी लोकसभेच्या पार्श्वभूमीवर चाळीसगाव शहरातील तीन सराईत गुन्हेगारांवर प्रतिबंधात्मक कारवाई करण्यात आली. तिन्ही सराईत गुन्हेगारांना हद्दपार करण्याचे आदेश चाळीसगावचे प्रांताधिकारी प्रमोद हिले यांनी दिले. लोकसभा निवडणुकीच्या काळात शांतता व भयमुक्त वातावरण होण्यासाठी चाळीसगाव शहरातील सराईत गुन्हेगारांवर प्रतिबंधात्मक कारवाई करण्याची सूचना पोलिस अधीक्षक महेश्वर रेड्डी यांनी केली आहे. (Jalgaon Crime)

त्यावरून अप्पर अधीक्षक कविता नेरकर, सहाय्यक अधीक्षक अभयसिंह देशमुख यांच्या मार्गदर्शनाखाली चाळीसगावचे संदीप पाटील यांनी सराईत गुन्हेगार राहुल जाधव.

श्याम ऊर्फ अण्णा नारायण गवळी आणि हैदर अली आसिफ अली सय्यद यांच्याविरोधात हद्दपारीचा प्रस्ताव तयार करून चाळीसगावचे प्रांताधिकारी प्रमोद हिले यांच्याकडे पाठविला. (Latest Marathi News)

त्यावरून श्री. हिले यांनी राहुल जाधव आणि श्याम गवळी यांना प्रत्येक एक वर्षासाठी, तर हैदर अली आसिफ अली सय्यद याला दोन वर्षांसाठी जिल्हा हद्दपारीची कारवाई करण्याचे आदेश दिले आहेत. हद्दपारीच्या प्रस्तावासाठी चाळीसगाव शहर पोलिस नाईक विनोद भोई, तुकाराम चव्हाण यांनी सहकार्य केले.