Jalgaon Crime News : तुम्ही सांगत असलेले संबंधित काम माझ्याकडे नसल्याचे सांगितल्याचा राग येऊन जिल्हा उद्योग केंद्राचे महाव्यवस्थापक चेतन भा. पाटील यांनी उद्योग निरीक्षकाला जातीवाचक शिवीगाळ केली. याप्रकरणी पाटील यांविरुद्ध ॲट्रॉसिटीचा गुन्हा गुन्हा दाखल करण्यात आला आहे. (atrocity filed against General Manager of District Industry Centre)

याबाबत अनिल ज्ञानेश्वर गाढे यांनी जिल्हा पेठ पोलिस ठाण्यात फिर्याद दिली. त्यात नमुद केल्याप्रमाणे, ते जिल्हा उद्योग केंद्रात उद्योग निरीक्षक म्हणून नोकरीस आहेत. कार्यालयीन कामकाज करताता कार्यालयात सुरू असलेले अनेक गैरव्यवहार निदर्शनास आणल्या व वरिष्ठ कार्यालयात लेखी तक्रारी करण्यात आल्या होत्या.

तेव्हापासून महाव्यवस्थापक चेतन पाटील यांचा निरीक्षक गाढे यांच्यावर राग होता. परिणामी त्यांना अपमानास्पद वागणूक देत होते. १३ ऑगस्टला कार्यालयात माहिती अधिकाराच्या कामकाजासाठी काही लोकांचे शिष्टमंडळ आले होते. ते महाव्यवस्पकांना भेटल्यानंतर त्यांनी अनिल गाढे यांना भेटा, असे सांगत गाढे यांच्या टेबलावर पाठवले. (latest marathi news)

ते, तिघे गाढे यांच्याकडे गेले. परंतु, त्या कामाविषयीचे टेबल त्यांच्याकडे नसल्याचे त्यांनी संबंधितांना सांगितल्याने महाव्यवस्थापक पाटील यांचा पारा चढला व त्यांनी गाढे यांना जातीवाचक उद्देशाने बोलून अपमानीत केले.

गाढे यांनी याप्रकरणी आज शनिवारी (ता.२८) जिल्हापेठ पोलिस ठाण्यात तक्रार दिली. त्यावरून महाव्यवस्थापक चेतन पाटील यांच्याविरुद्ध ॲट्रॉसिटीचा गुन्हा दाखल करण्यात आला आहे. याबाबतचा तपास उपविभागीय पोलिस अधीकारी संदिप गावीत करीत आहेत.