Jalgaon Crime : पिंप्राळा येथील माहेर असलेल्या विवाहितेला सासरी मेहुणबारे येथे १० लाखांची मागणी करत मारहाण करत छळ केल्याप्रकरणी रामानंदनगर पोलिस ठाण्यात पतीसह सासरच्या मंडळींविरोधात गुन्हा दाखल करण्यात आला आहे. पूनम मनोज चिंचोले (वय ३०) या महिलेचे माहेर पिंप्राळा (जळगाव) येथील असून तिचा विवाह चाळीसगाव तालुक्यातील मेहुणबारे येथील मनोज रमेश चिंचोले यांच्याशी रितीरिवाजानुसार झाला आहे. (Jalgaon Crime)

लग्नानंतर सुरवातीचे दिवस चांगले गेल्यानंतर विवाहितेला माहेराहून १० लाख रूपये आणावे अशी मागणी केली. विवाहितेने माहेराहून पैसे आणले नाही याचा राग येवून पती मनोज चिंचोले याने विवाहितेला मारहाण करण्यास सुरवात केली.

त्यानंतर सासू, सासरे, जेठ, जेठाणी, नणंद, नंदोईभाऊ आणि चुलत सासरे यांनी देखील शारिरीक व मानसिक छळ केला. हा प्रकार सहन न झाल्याने विवाहिता माहेरी पिंप्राळा येथे निघून आल्या.

दहा जणांवर गुन्हा

गुरूवारी (ता.१८) रामानंद नगर पोलिस ठाण्यात धाव घेवून तक्रार दिली. त्यांनी दिलेल्या तक्रारीवरून पती मनोज रमेश चिंचोले, सासरे रमेश दामोदर चिंचोले, सासू पुष्पा रमेश चिंचोले, जेठ पंकज रमेश चिंचोले, जेठाणी रोहिणी पंकज चिंचोले, नणंद दीपाली खेमराज दशपुते, नंदोई खेमराज भटू दशपुते.

चुलत सासरे डिगंबर दामोदर चिंचोले, विलास दामोदर चिंचोले आणि जनार्दन काशिनाथ झोडगे सर्व रा. मेहुणबारे ता. चाळीसगाव यांच्या विरोधात रामानंद नगर पोलिसात गुन्हा दाखल करण्यात आला आहे. पुढील तपास पोहेकॉ भूषण जैतकर हे करीत आहे.