Jalgaon Crime News : नंदगाव (ता. जळगाव) येथे पूर्ववैमनस्यातून दोन गटांत तुफान हाणामारी झाली. दोन्ही गटातील जखमींनी दिलेल्या तक्रारींवरून परस्पर विरुद्ध दंगलीचे गुन्हे जळगाव तालुका पोलिस ठाण्यात दाखल झाले आहे. २८ संशयितांचा शोध घेऊन अटकसत्र राबविले जात आहे. नंदगाव येथे बुधवारी (ता. ३) सायंकाळी जुन्या भांडणावरून दोन गटांत तुफान हाणामारी झाली. दोन्ही गटांतील ४ गंभीर जखमी झाले असून, जखमींवर वेगवेगळ्या रुग्णालयात उपचार सुरू आहेत. (Nandgaon two groups clashed with iron rods and stones )

पहिल्या गटातील रत्नाबाई रामनाथ पाटील (वय ४०) यांच्या फिर्यादीनुसार, कल्पेश लक्ष्मण सोनवणे, रिंकू प्रकाश सोनवणे, रितेश प्रकाश सोनवणे, विशाल मधुकर सोनवणे, आकाश मधुकर सोनवणे, सनी राजेंद्र सोनवणे, कृष्ण राजेंद्र सोनवणे, धनराज गेंदा सोनवणे, तुषार कृष्णा सोनवणे, नितीन सोपान सोनवणे, भावेश लक्ष्मण सोनवणे आणि मुरलीधर धनराज सोनवणे यांच्याविरुद्ध रात्री एकला दंगलीचा गुन्हा दाखल झाला आहे. तर दुसऱ्या गटातील जखमी मुरलीधर धनराज सोनवणे यांच्या तक्रारीनुसार, प्रशांत संभाजी पाटील याने शेतरस्त्यावरून माझ्याशी वाद घातला.

त्यावरून मारहाण केल्याप्रकरणी भूषण गुणवंतराव पवार, रामनाथ पंडित पाटील, राज रामनाथ पाटील, वीरेंद्र पांडुरंग पाटील, प्रशांत संभाजी पाटील, ओम लालू पाटील, वैभव सुनील पाटील, श्रीराम पंडित पाटील, ज्ञानेश्वर हरी पाटील, राहुल विश्वनाथ पाटील, दीपक काशीनाथ पाटील, गुलाब आधार पाटील, जिजाबराव काशीनाथ जाधव, राजेंद्र बापू पाटील, वसंत पंडित पाटील आणि भाऊसाहेब पितांबर पाटील यांच्याविरुद्ध गुन्हा दाखल झाला आहे. पोलिस नाईक दीपक चौधरी तपास करीत आहे.