जळगाव : रामानंदनगर पोलिस ठाण्याच्या हद्दीतील २४ वर्षीय महिलेच्या घरात घुसून तिला ठार मारण्याची धमकी देऊन अत्याचार केल्याची घटना बुधवारी (ता.९) पहाटे दोनच्या सुमारास घडली. या प्रकरणी रामानंदनगर पोलिसांनी संशयितास अटक केली आहे. रामानंदनगर पोलिस ठाण्याच्या हद्दीत वास्तव्याला असलेली २४ वर्षीय गृहिणी घरात झोपलेली असताना संशयित घरात शिरला व त्याने महिलेचे तोंड दाबून तिला ठार मारण्याची धमकी देत तिच्यावर अत्याचार केला. ( suspect arrested for assaulting woman by threatening to kill her )

पीडितेने घडला प्रकार कुटुंबीयांना सांगितल्यावर त्यांनी तत्काळ पोलिस ठाणे गाठून तक्रार दिली. पीडितेच्या तक्रारीत नमूद केल्याप्रमाणे, पहाटे दोनच्या सुमारास संशयित मंगेश उर्फ मंगलदास अंबादास कोळी (वय ४०, रा. हरीविठ्ठल नगर) याने ठार मारण्याची धमकी देत अत्याचार केल्याचा जबाब नोंदविल्यावरून रामानंदनगर पोलिस ठाण्यात संशयित मंगेश उर्फ मंगलदास अंबादास कोळी याच्याविरुद्ध गुन्हा दाखल करण्यात आला असून, त्याला अटक करण्यात आली आहे. विठ्ठल पाटील तपास करीत आहे.