Jalgaon Crime News : शहरातील शाहूनगरमधील सहयोग क्रिटीकलजवळील हौसिंग सोसायटीतील भूषण राजेंद्र ठाकरे (रा. वटार, ता. चोपडा) याच्यासह शिक्षण घेणारे मित्र आणि इतर विद्यार्थ्यांच्या खोलीतून दहा मोबाईल चोरीला गेले आहेत. (Jalgaon Crime Ten mobile phones looted from Shahunagar)

प्रचंड तापमानामुळे रात्री खोल्यांची दारे उघडी करून विद्यार्थी झोपतात. रविवारी (ता. २८) पहाटे पाचच्या सुमारास चोरट्यांनी याचाच गैरफायदा घेत त्यांच्या खोलीतून विद्यार्थ्यांचे ७० हजार रुपयांचे १० मोबाईल चोरून नेले. दिवस उजाडल्यावर जो-तो आपला मोबाईल शोधू लागल्याने रुमवर चोरी झाल्याचे निदर्शनास आले.

अखेर विद्यार्थ्यांनी सोमवारी (ता. २९) सायंकाळी साडेसहाला दिलेल्या फिर्यादीवरून जळगाव शहर पोलिस ठाण्यात गुन्हा दाखल करण्यात आला. सहाय्यक फौजदार सुनील पाटील तपास करीत आहेत. शाहूनगर संमिश्र लोकवस्तीचा परिसर असून, मध्यवर्ती ठिकाण असल्याने दाटीवाटीचा आहे. या परिसरात रात्री उशिरापर्यंत टार्गेट पोरे कट्ट्यावर बसून असतात. त्यात नशेसाठी काहीही करण्यास तयार असलेल्या भुरट्यांचाही समावेश आहे. (Latest Marathi News)

गस्तच दुरापास्त

शाहूनगर परिसरात गेल्या दोन महिन्यांपूर्वी ड्रग्ज पेडरला अटक झाली. त्याने दहा लाखांचे ड्रग्स पडकी शाळेच्या इमारतीतू काढून दिले. याच शाळेला लागून एका बाजूला झोपडपट्टी, तर दुसऱ्या बाजूला हौसींग सोसायटी आहे. शाहूनगरातील गल्ली बोळापासून ते मुख्य रस्त्यांवर रात्रभर भुरटे चोर घोळका करून असतात. पोलिसांचा चुकूनही फेरफटका परिसरात होत नसल्याने रहिवाशांना त्यांचा प्रचंड त्रास आहे. रात्रभर सिगारेट-गुटख्याचे कट्टे सुरू असल्याने या चोरट्यांचे बऱ्यापैकी फावते.