Jalgaon News : राज्यात भारतीय जनता पक्ष, शिवसेना शिंदे पक्ष व राष्ट्रवादी कॉंग्रेस अजित पवार पक्ष यांची महायुती आहे. जिल्ह्यातील दोन्ही मतदार संघ महायुतीत भाजपच्या वाट्याला गेले असून त्यांनी उमेदवार जाहीर केले आहेत. या पार्श्‍वभूमीवर राष्ट्रवादी कॉंग्रेस अजित पवार पक्षाचा जळगाव व रावेर लोकसभा मतदारसंघांचा मेळावा शनिवारी (ता.३०) होणार आहे. (Jalgaon District meeting of Ajit Pawar group today)

जळगाव येथील टेलिफोन ऑफीसमागील लेवा भवनात हा मेळावा होईल. सकाळी अकरा वाजता या मेळाव्याचे आयोजन केले आहे. पक्षाचे नेते राज्याचे मदत व पुनर्वसनमंत्री अनिल भाईदास पाटील यांची प्रमुख उपस्थिती राहणार आहे. मेळाव्यात पक्षाच्या पदाधिकाऱ्यांना प्रचाराबाबत मार्गदर्शन करण्यात येणार आहे.

तसेच पदाधिकाऱ्यांचे विचार ऐकून घेण्यात येणार आहेत. बैठकीसाठी जिल्ह्यातील सर्व पदाधिकाऱ्यांना पाचारण करण्यात आले असून सर्व पदाधिकाऱ्यांनी बैठकीस उपस्थित राहावे, असे आवाहन जिल्हाध्यक्ष संजय पवार, जिल्हा महानगराध्यक्ष अभिषेक पाटील व रावेर लोकसभा क्षेत्रप्रमुख उमेश नेमाडे यांनी केले आहे. (latest marathi news)

शिदें गटाची उद्या तालुका बैठक

जळगाव : महायुतीत मित्र पक्ष शिवसेना शिंदे गटाची तालुका बैठक रविवारी (ता.३१) होणार आहे. सायंकाळी चार वाजता मायादेवी नगरातील रोटरी हॉलमध्ये ही बैठक होईल. यावेळी जिल्ह्याचे पालकमंत्री गुलाबराव पाटील तसेच पदाधिकारी उपस्थित राहणार आहेत.

यावेळी मित्र पक्ष भाजपच्या जळगाव लोकसभा उमेदवाराच्या प्रचाराबाबत दिशा ठरविणार आहे. तालुक्यातील पदाधिकाऱ्यांनी उपस्थित राहावे, असे आवाहन जिल्हाप्रमुख नीलेश पाटील यांनी केले आहे.