Jalgaon News : येथील भरारी फाउंडेशन व वेगा केमिकल्स प्रा.लि.तर्फे जिल्ह्यातील आत्महत्या केलेल्या शेतकऱ्यांच्या १७० पाल्यांना मोफत शैक्षणिक साहित्य व वार्षिक फीवाटप करण्यात आली. ३६ विद्यार्थ्यांना उच्च शिक्षणासाठी द गार्डियन्स फाउंडेशन व ठाण्याच्या विद्यार्थी विकास योजनातर्फे दत्तक घेण्यात येणार आहे. (Jalgaon Educational strength for 170 children of farmers who eneded life)

भरारी फाउंडेशनतर्फे राबविण्यात येणाऱ्या ‘शेतकरी संवेदना’ या अभियानांतर्गत घेण्यात येणाऱ्या या उपक्रमाचे हे १० वे वर्ष असून, आतापर्यंत संस्थेने ६५० विद्यार्थ्यांना शिक्षणासाठी दत्तक घेतले आहे. जिल्हाधिकारी कार्यालयातील अल्पबचत भवनात झालेल्या कार्यक्रमात भालचंद्र पाटील यांनी सामाजिक बांधिलकी जपून शेतकरी आत्महत्या यासारख्या संवेदनशील बाबीवर काम करीत असलेल्या भरारी फाउंडेशनच्या पाठीशी खंबीरपणे उभे असल्याचे आपल्या अध्यक्षीय भाषणात सांगितले. आत्महत्याग्रस्त शेतकऱ्यांच्या कुटुंबीयांना विविध स्वरूपाची मदत वेगा केलिकलतर्फे देण्याचे आश्वासन या वेळी त्यांनी दिले.

संस्थेचे ज्येष्ठ मार्गदर्शक रत्नाकर पाटील यांनी भविष्यात विद्यार्थी विकास योजनेतर्फे उच्च शिक्षणासाठी आर्थिक, तसेच इतर शैक्षणिक बाबींसाठी सहाय्य करणार असल्याचे सांगितले. या उपक्रमाला वेगा केमिकलचे भालचंद्र पाटील, जैन उद्योग समूह, उद्योगपती रजनीकांत कोठारी, डॉ. परेश दोशी, डॉ. पी. आर. चौधरी, मुकेश हसवानी, नंदलाल गादीया, बाळासाहेब सूर्यवंशी, लखीचंद जैन, आशिष भंडारी, विक्रम मुणोत यांनी सहकार्य केले. (latest marathi news)

जिल्हा नियोजन अधिकारी विजय शिंदे, डॉ. अपर्णा भट, चित्रा चौधरी, रितेश लिमडा, विक्रांत चौधरी, अक्षय सोनवणे, नदीम काझी, सागर पगारीया, सचिन महाजन, अभिषेक बोरसे, नंदू बारी, शैलैंद्र परदेशी आदींची उपस्थिती होती. फाउंडेशनचे अध्यक्ष दीपक परदेशी यांनी प्रास्ताविक व सूत्रसंचालन केले. विनोद ढगे यांनी आभार मानले.