Jalgaon News : लोकसभा सार्वत्रिक निवडणूकी साठी निवडणूक आयोगाने उमेदवार खर्च नियंत्रणासाठी जळगाव लोकसभा मतदारसंघासाठी निवडणूक खर्च निरीक्षक म्हणून भारतीय महसूल सेवेतील अधिकारी कुमार चंदन यांची नियुक्ती केली आहे. तर रावेर लोकसभा मतदारसंघासाठी भारतीय महसूल सेवेतील अधिकारी संदीपन खान यांची नियुक्ती केली आहे. दोघेही अधिकारी काल दाखल झाले आहेत. (Jalgaon Expenditure inspector appointed for Lok Sabha election)

श्री कुमारचंदन हे जळगाव लोकसभा मतदारसंघातील उमेदवारांच्या खर्चावर नियंत्रण ठेवणार आहेत.त्यांचा निवास अजिंठा शासकीय विश्रामगृह जळगाव येथे राहिल.त्यांचे कार्यालय राजगड अजिंठा शासकीय विश्रामगृह येथे असणार आहे.

तर श्री.चंदन यांचा भ्रमणध्वनी क्रमांक ८२७५९७०६७० हा आहे. रावेर लोकसभा मतदारसंघातील उमेदवारांच्या खर्चावर नियंत्रण ठेवणार असलेल्या संदीपन खान यांचा निवास पोवाडा अजिंठा शासकीय विश्रामगृह येथे असणार आहे. (latest marathi news)

तर त्यांचे कार्यालय राजगड अजिंठा शासकीय विश्रामगृह येथे असणार आहे. ८२७५९७०६७१ हा त्यांचा मोबाईल क्रमांक असणार आहे.

निवडणूक निरीक्षकांच्या या भ्रमणध्वनीवर अथवा कार्यालयीन पत्त्यावर नागरिकांना निवडणूक विषयी तक्रारी किंवा माहीतीसाठी संपर्क साधता येईल, असे जिल्हा निवडणूक अधिकारी आयुष प्रसाद यांनी कळविले आहे.