जळगाव : अभिनेत्री हेमामालिनीबद्दल (actress hemamailini) केलेल्या वादग्रस्त वक्तव्याबाबत समाज माध्यमांवर टीकेची झोड उठल्यानंतर अखेर पालकमंत्री गुलाबराव पाटील (gulabrao patil)यांनी दिलगिरी व्यक्त केली आहे. आपल्या बोलण्याचा वाईट उद्देश नव्हता, आम्ही छत्रपती शिवरायांना मानणारे मावळे आहोत. आपल्या बोलण्याचा विपर्यास केला गेल्याचे पालकमंत्री पाटील यांनी सांगितले. तरी आपल्या बोलण्यातून कुणाच्या भावना दुखावल्या असतील तर आपण दिलगिरी व्यक्त करीत असल्याचे त्यांनी स्पष्ट केले.

बोदवडला एका जाहीर सभेला संबोधताना मंत्री पाटील यांनी धरणगावातील रस्त्यांचा दाखला देताना ‘जर धरणगावात हेमामालिनीच्या गालासारखे रोड नसले तर राजीनामा देईन’ असे व्यक्तव्य केले होते. यावर विरोधी पक्षासह समाज माध्यमांवर टीका होऊ लागली होती. विरोधी पक्षाकडून पाटील यांच्या राजीनाम्याचीही मागणी होत होती. त्यावर अखेर पाटीलयांनी दिलगिरी व्यक्त करत माफी मागितली आहे.