Jalgaon Lok Sabha Election : चोपड्यात रावेर लोकसभा मतदारसंघासाठी शांततेत मतदान पार पडले. सकाळी सातपासून ११ वाजेपर्यंत मतदारांमध्ये उत्साह दिसून आला. त्यानंतर दुपारी चार नंतर पुन्हा मतदान केंद्रावर रांगा दिसल्या. नव मतदारांमध्ये मोठा उत्साह दिसत होता. चोपडा मतदार संघात सहापर्यंत सुमारे ६० टक्के मतदान झाले. यात वयोवृद्ध मतदार आणि आदिवासी गावात टक्का वाढला. ( voter turnout also increased in tribal areas )

जिल्ह्यातील पाहिले मतदान केंद्र असलेल्या मोरचिडा आणि सोबतच अमलवाडी,उमर्टी, गौऱ्यापाडा,सत्रासेन,वैजापूर आदी. आदिवासी बहुल भागात कधी नव्हे तो उत्साह मतदारांत दिसून आला या भागात ७५ ते ८० टक्के मतदान झाले. आज झालेले मतदान नेमके कोण्याच्या पारड्यात जाते याचा आराखडा सहज बांधता येत नसून शहरात मात्र तरुणाई मधील उत्साह बरच काही सांगत होता. (latest marathi news)

मुस्लिम मतदार देखील मोठया प्रमाणात मतदानाला बाहेर पडताना दिसला. प्रशासनाने मतदानाचा टक्का वाढण्यासाठी निवडणूक काळात मोठ्या जनजागृतीचा परिणाम दिसला. मतदारांच्या गर्दीच्या रुपाने मतदान केंद्रांवर उत्साह दिसला.

रेड कार्पेट टाकून स्वागत

अनेक केंद्रांवर मतदारांसाठी रेड कार्पेट टाकून स्वागत झाले. काही केंद्रांवर स्वागत गेट,कमानी, सावली साठी मंडप, पिण्यासाठी थंड पाणी,सेल्फी पॉइंट, मतदारांसोबत लहान मुलं असतील तर त्यांच्यासाठी तात्पुरते खेळणी घरं, दिव्यांगांसाठी, वयोवृद्ध मतदारांसाठी व्हील चेअर अशा विविध सेवा सुविधा पुरवण्यात आल्या होत्या. तालुक्यातील कुरवेल व शहरातील मेमोसा हायस्कूलमध्ये मतदानापूर्वी मतदान यंत्रात तांत्रिक बिघाड झाला होता. परंतु तो मतदान सुरु होण्यापूर्वीच दुरुस्त करण्यात आले.