जळगाव : महापालिकेच्या कोणत्याही विकास कामांना नियोजन शाखेकडून स्थगिती देण्यात आलेली नाही, असे जिल्हाधिकारी अभिजित राऊत यांनी म्हटले आहे. (Latest Marathi News)

जिल्हा नियोजन समितीचे सदस्य सचिव जिल्हाधिकारी अभिजित राऊत यांनी प्रसिध्दी पत्रक प्रसिद्ध केले आहे. यात त्यांनी म्हटले आहे. नियोजन विभागाकडील शासन परिपत्रक(४ एप्रिल २०२२)नुसार जिल्हा वार्षिक सर्वसाधारण सन २०२२-२३ अंतर्गत १ एप्रिल २०२२ पासून आजतागायत विविध योजनांतर्गत कामांना देण्यात आलेल्या प्रशासकीय मान्यतांना स्थगिती देण्यात आली आहे. त्याअनुषंगाने जिल्हा नियोजन समितीने १ एप्रिलनंतर ज्या-ज्या कामांना प्रशासकीय मान्यता प्रदान करण्यात आल्या आहेत. त्या कामांच्या बाबतीत ४ जुलै २०२२ ला जी स्थिती असेल त्या स्थितीत ठेवावे, असे आदेश जिल्हा नियोजन समितीच्या कार्यान्वित यंत्रणांना कळविण्यात आलेले आहे.

१ एप्रिलनंतर जळगाव शहर महापालिकेकडील कोणत्याही कामास जिल्हाधिकारी कार्यालयाच्या नगरपालिका शाखेकडून महाराष्ट्र नगरोत्थान महाअभियान योजना व नागरी दलितोत्तर वस्त्यांमधील सुधारणा योजना या योजनेंतर्गत प्रशासकीय मान्यता देण्यात आलेली नाहीत व विकास कामेही रोखण्यात आलेली नाही.