Jalgaon News : ‘अर्थसंकल्पनाचा दोष ‘महाराष्ट्र रोष...’, ‘केंद्र सरकारने महाराष्ट्राला दिले काय गाजर.. गाजर..’, ‘केंद्र सरकारचा निषेध असो...’, अशा विविध घोषणा देऊन व गाजर दाखवून राष्ट्रवादी काँग्रेस (शरदचंद्र पवार) महानगरतर्फे केंद्र शासनाचा निषेध नोंदविण्यात आला. मंगळवारी (ता. २३) देशाचा केंद्रीय अर्थसंकल्प सादर करण्यात आला. (NCP protest by showing carrot of central government)

अर्थसंकल्प हा देशाचा होता, पण महाराष्ट्र देशात आहे, की देशाबाहेर असा प्रश्न महाराष्ट्रच्या जनतेला पडला आहे. लोकसभा निवडणुकीत एनडीए सरकारला दिलेल्या कमी जागांमुळे महाराष्ट्रातील जनतेला त्यांचे परिणाम भोगावे लागले, अशी भाजपची प्रवृत्ती येथून स्पष्ट होत आहे.

आंध्र प्रदेश व देशातील इतर राज्यांना दिलेल्या मदतीवर नजर टाकल्यास आपल्या लक्षात येते. की महाराष्ट्राला अर्थसंकल्पात काहीही मिळालेले नाही. महाराष्ट्रातील जनता ही स्वाभिमानी असून, आपल्यावरील अन्याय सहन करणार नाही. (latest marathi news)

राज्यातील जनतेच्या मनातील रोष आणि भावना लक्षात घेता बुधवारी (ता. २४) राष्ट्रवादी काँग्रेस (शरदचंद्र पवार) पक्षातर्फे निषेध नोंदविण्यात आला. आंदोलनात महानगर जिल्हाध्यक्ष अशोक लाडवंजारी, रिंकू चौधरी, राष्ट्रवादी महिला आघाडीच्या महानगर जिल्हाध्यक्षा मंगला पाटील, जिल्हा समन्वयक विकास पवार, किरण राजपूत.

शहर संघटक राजू मोरे, आदिवासी विभागाचे जिल्हाध्यक्ष इब्राहीम तडवी, महानगर जिल्हा उपाध्यक्ष डॉ. संग्रामसिंह सूर्यवंशी, वर्षा राजपूत, कलाताई शिरसाट, लिलाताई रायगडे, राहुल टोके आदी सहभागी झाले होते.