जळगाव : येथील शनिपेठ पोलिस ठाण्याच्या हद्दीतील २६ वर्षीय महिलेला लग्नाचे आमिष दाखवत केलेल्या अत्याचारातून पीडित गर्भवती राहिली. लग्नही केले नाही आणि अत्याचार करून सोडून दिल्याची तक्रार पीडितेने दिल्यावरून शनिपेठ पोलिस ठाण्यात संशयितावर गुन्हा दाखल करण्यात आला असून, त्याला अटक करण्यात आली आहे. शनिपेठ पोलिस ठाण्याच्या हद्दीतील २६ वर्षीय विवाहिता आपल्या परिवारासह वास्तव्याला आहे. (Pregnant victim of violence against women luring her to marry )

त्यांचे कौटुंबिक कारणावरून पतीसोबत नेहमी भांडण होत असल्याचा गैरफायदा घेऊन संशयित तुषार राजेंद्र अहिरे (वय २८) याने विवाहितेला सांगितले, की पतीला घटस्फोट देऊन मी तुझ्याशी लग्न करेल, असे सांगून तिच्याशी जवळीक साधून तिच्यावर अत्यावर केला. हा प्रकार मे २०१८ पासून सुरू होता. त्यानंतर या अत्याचारातून विवाहिता गर्भवती झाली.

त्यानंतर त्याने विवाहितेसोबत लग्न करण्यास नकार दिला. या प्रकारानंतर विवाहितेने शनिवारी सायंकाळी सहाला शनिपेठ पोलिस ठाण्यात धाव घेऊन तक्रार दिली. त्यानुसार संशयित तुषार अहिरे याच्याविरोधात शनिपेठ पोलिस ठाण्यात गुन्हा दाखल करण्यात आला. शनिपेठ पोलिसांनी तुषार अहिरे याला अटक केली असून, उपविभागीय पोलिस अधिकारी संदीप गावित तपास करीत आहेत.