जळगाव : घटस्थापनेच्या पार्श्‍वभूमीवर दुर्गोत्सव मंडळांची तयारी पूर्णत्वास आली असून, पोलिस दलानेही तयारी केली आहे. २७५ दुर्गोत्सव मंडळांकडून दुर्गामातेची विधिवत पूजा करुन स्थापना करण्यात येत आहे. नेहमीप्रमाणे, नवरात्रोत्सवात दांडियासाठी रात्री दहापर्यंत परवानगी राहणार असून, अष्टमीला रात्री बारापर्यंत दांडिया खेळता येणार आहे. गणेशोत्सवाच्या स्मृती अजून ताज्याच असताना दुर्गोत्सवाला सुरवात होत आहे. (Raas Dandiya will be performed in fifty three hundred mandal in city )

दुर्गोत्सवासाठी मंडळांसह जिल्‍हा पेालिस दलानेही जय्यत तयारी केली आहे. दुर्गोत्सव हर्षोल्लासात साजरा व्हावा, यासाठी पोलिस दलाने नियोजन केले आहे. जळगावात २७५ मंडळांचे अर्ज आले होते, या सर्व मंडळांना परवानगी देण्यात आली आहे. शनिपेठ पोलिस ठाण्याच्या हद्दीत गुरुवारी (ता. ३) चार ते पाच आगमन मिरवणूक राहणार असून, त्यादृष्टीने बंदोबस्त राहणार आहे. शहरात ज्या-ज्या भागात दुर्गा उत्सव मंडळ आहे, त्या ठिकाणी त्या-त्या पोलिस ठाण्यांचा बंदोबस्त राहणार आहे. या शिवाय शहरात पोलिसांच्या गस्तीपथकांना नियुक्त करण्यात आले आहे असून, काही फिक्स पॉइंट उभारून तेथे तपासणी केली जाणार आहे. (latest marathi news)

सीसाीटीव्ही कार्यान्वित

मंडळाच्या ठिकाणी वादविवाद, छेडखानीचे प्रकार होऊनये यासाठी दांडियाच्या ठिकाणी सीसीटीव्ही लावण्यात येणार आहेत. तसेच मोकळा उजेड राहावा, यासाठी प्रकाशयंत्रणा करण्याच्याही सूचना आहे. त्यामुळे कोणी काही गैरप्रकार करण्याचा प्रयत्न केला तरी तो ‘सीसीटीव्ही’त कैद होऊन पोलिस कारवाई करण्यात येणार आहे.