Summer Heat : शहराच्या तापमानाची वाटचाल ४५ अंशांकडे सुरू झाली असून, मंगळवारी (ता. २६) जळगाव शहराचे तापमान ४२ अंश नोंदविले गेल्याची माहिती वेलनेस फाउंडेशनचे संचालक, हवामान अभ्यासक नीलेश गोरे यांनी दिली. मार्च महिन्यात तापमानाने उच्चांक गाठला, तर एप्रिल, मे महिन्यांत उन्हाची दाहकता कशी असेल यांची चिंता जनतेला लागून आहे. (jalgaon Summer Heat temperature of Jalgaon reaches 42 degrees marathi news)

जळगाव जिल्हा दर वर्षी ‘हॉट’ ठरतो. गत वर्षी तापमान ४५ अंशांपर्यंत गेले होते. यंदाही ‘अलनिनो इफेक्ट’मुळे ते ४५ किंवा त्याहीपेक्षा पुढे जाण्याची शक्यता आहे. ‘अलनिनो इफेक्ट’मुळे गत वर्षी एप्रिल महिन्यात पाऊस पडला होता, तर मॉन्सूनची वाटचाल तब्बल एक महिना उशिराने झाली होती. यंदा मात्र ‘अलनिनो इफेक्ट’ पावसाला बाधक ठरणार नाही. (latest marathi news)

यामुळे वेळेवर पाऊस सुरू होईल, असा अंदाज हवामान विभागाने वर्तविला आहे. असे असले तरी मार्च महिन्यातच तापमान ४२ अंशांपर्यंत पोचल्याने आगामी एप्रिल व मे महिना अधिक उष्णतेचा असेल. त्यामुळे नागरिकांनी आतापासूनच उन्हापासून बचावासाठी विविध उपाययोजना सुरू केली आहे.

जिल्ह्यातील तापमान

४२ अंश ः जळगाव, भुसावळ, भडगाव, चोपडा, धरणगाव, जामनेर, पारोळा, पाचोरा, रावेर, वरणगाव

ः४१ अंश ः अमळनेर, बोदवड, चाळीसगाव, एरंडोल, फैजपूर, मुक्ताईनगर, यावल.