पारोळा : आगामी विधानसभा निवडणुकीत शिवसेना महाविकास आघाडीचा धर्म पाळून महाविकास आघाडी जो उमेदवार देईल, त्याला पाठिंबा देऊन त्या उमेदवाराचे प्रामाणिकपणे काम करू, असा निर्णय शिवसेना (उद्धव बाळासाहेब ठाकरे) पक्षाच्या येथे आयोजित आढावा बैठकीत सर्वांनुमते

घेण्यात आला. शिवसेना जिल्हाप्रमुख डॉ. हर्षल माने यांच्या मार्गदर्शनाखाली व विधानसभा संपर्कप्रमुख राजेंद्र पाटील यांच्या प्रमुख उपस्थितीत येथील बाजार समितीच्या कार्यालयात ही बैठक झाली. (Jalgaon Support for candidate of mahavikas aghadi in assembly elections UBT participation)

आगामी विधानसभा निवडणुकीबाबतचा आढावा या बैठकीत घेण्यात आला. शिवसेनेचे पारोळा तालुकाप्रमुख प्रा. आर. बी. पाटील, शहरप्रमुख अशोक मराठे, बाळू पाटील, माजी नगरसेवक पी. जी. पाटील, अनिल पाटील, माजी नगरसेवक रमेश माळी, उपतालुकाप्रमुख दादा पाटील, उपशहर प्रमुख सोमनाथ वाणी, अल्पसंख्यांक तालुकाप्रमुख कलीम शेख, अल्पसंख्यांक उपशहर प्रमुख शकील मामू,. अल्पसंख्यांक उपशहर प्रमुख शफिक बुरांडे, सांगवी येथील प्रवीण पाटील, विभागप्रमुख सुनील येवले , विभागप्रमुख हिरामण पाटील, युवासेना तालुकाप्रमुख रवी पाटील, युवासेना उपतालुकाप्रमुख महेंद्र पाटील, युवा सेनेचे सनी लोहार, उपशहरप्रमुख लखन वाणी, वाहतूक सेना तालुकाप्रमुख तुषार पाटील, शिवदूत अमोल पाटील, कट्टर शिवसैनिक भूषण टिपरे, व्यापारी सेना शहरप्रमुख विवेक माळी, सोशल मीडियाप्रमुख कृष्णा शिंपी, शेळावे येथील विनोद पाटील, बोळे येथील जितेंद्र राजपूत, दिनेश लोहार, राजू बागडे, कट्टर शिवसैनिक अरुण चौधरी, शिरसमणी येथील भाऊसाहेब पाटील, गोरख पाटील, पळासखेडे येथील पोपट मराठे, बापू पाटील, अभियंता गणेश पाटील, प्रसाद महाजन उपस्थित होते. (latest marathi news)

एरंडोल-पारेाळा मतदारसंघ अनुकूल!

या बैठकीत गेल्या लोकसभा निवडणुकीतील महाविकास आघाडीच्या उमेदवाराच्या पराभवाची ठोस कारणे, ज्यात महिला बचतगट विरोधी मजबूत कसे, मतदारसंघनिहाय निकाल बूथप्रमुख बुथच्या ठिकाणी हजर होते का?, महाविकास आघाडीने काम केले का? अशा विविध विषयांवर चर्चा करण्यात आली. विधानसभेसाठी हा मतदार संघ अनुकूल आहे का? असल्यास कोण मजबूत असू शकतो?, ज्यात डॉ.

हर्षल माने यांचे नाव पुढे करण्यात आले. परंतु, सर्वांनुमते एकच महाविकास आघाडीने जो उमेदवार दिला, त्याचे आम्ही प्रामाणिकपणे काम करू, असे शिवसेना पक्षाच्या पदाधिकाऱ्यांनी सुचित केले. विधानसभा संपर्कप्रमुख राजेंद्र पाटील यांनी पदाधिकाऱ्यांना येणाऱ्या निवडणुकीसंदर्भात योग्य नियोजन करण्याचे आवाहन केले.