Jalgaon Municipality : महापालिकेच्या जन्म-मृत्यू विभागात नवीन सॉफ्टवेअर इन्स्टॉल केले आहे. मात्र, गेल्या आठ दिवसांपासून त्यात तांत्रिक बिघाड झाल्याने दाखले देण्याचे काम संथगतीने सुरू आहे. महापालिकेच्या जन्म-मृत्यू नोंदणी विभागात नवीन सॉफ्टवेअर टाकले आहे. त्यावरून जन्म-मृत्यूचे दाखले देण्याचे काम गतीने होत होते. दिवसाला किमान शंभर ते सव्वाशे दाखले देण्यात येतात. (Technical issue in new software in municipal birth and death department)

दरम्यान, गेल्या आठ दिवसांपासून सॉफ्टवेअरमध्ये तांत्रिक बिघाड झाला आहे.त्यामुळे सॉफ्टवेअर संथ गतीने चालत आहे. जन्म -मृत्यूचे डॉक्युमेंटस स्कॅन करून ते नवीन सॉफ्टवेअरवर अपलोड होत नाही. त्यामुळे एका दाखला देण्यास दोन ते तीन तास वेळ लागत आहे. (latest marathi news)

नागरिकांना पाठवले जाते परत

जन्म-मृत्यूचे दाखले घेण्यासाठी आलेल्या नागरिकांसह कर्मचाऱ्यांना त्रास सहन करावा लागत आहे. सॉफ्टवेअरच्या तांत्रिक बिघाड दुरुस्त करण्याकडे महापालिका प्रशासनाने लक्ष देण्याची मागणी होत आहे. सॉफ्टवेअरच्या तांत्रिक बिघाडामुळे विभागात येणाऱ्या अनेक नागरिकांना परत पाठविले जात आहे. दाखले देण्यास विलंब होत असल्याने नागरिकांमध्ये महापालिकेच्या कारभाराबाबत तीव्र संताप व्यक्त होत आहे.