Jalgaon Bribe Crime : मध्य रेल्वेच्या तालुक्यातील झोनल ट्रेनिंग सेंटरला अक्षय चौधरी यांचे वाहन टेंडर संपल्याने लॉक बुक वर सही करण्यासाठी नऊ हजार रुपयांची मागणी प्राचार्य सुरेशचंद्र जैन व क्लर्क योगेश देशमुख यांनी (ता.६) केली होती.चौधरी यांच्या तक्रारीवरून रंगेहात लाच स्विकारतांना सी.बी.आय.पथकाने संशयित दोघांना अटक केली होती. दोघे लाचखोरांना वरिष्ठ पातळीवरून निलंबित करण्यात आले. (jalgaon Two bribe takers suspended marathi news)

याप्रकरणी झोनल ट्रेनिंग सेंटरला बुधवारी (ता.६( मार्चला दुपारी १२ वाजेला पुण्यातील सीबीआय पथकाने झेडटीआरआयचे प्राचार्य सह कार्यालयीन अधीक्षकांना पैसे घेतांना अटक केली होती.अटकेनंतर ४८ तास संशयित सीबीआयच्या ताब्यात चौकशी कामी असल्याने रेल्वे प्रशासनाने दोघांना निलंबित केल्याचे सूत्रांनी सांगितले. कार्यालयीन अधीक्षक (निविदा) योगेश देशमुख आणि प्राचार्य सुरेशचंद्र जैन अशी निलंबित संशयितांची नावे आहेत.

बिलाचा निपटारा करण्यासाठी ...

प्राचार्य सुरेशचंद्र जैन कडून दहा हजार रुपये लाचेची मागणी झाली होती मात्र ९ हजारात तडजोड झाली. तक्रारदाराला पैसे द्यायचे नसल्याने त्यांनी पुणे सीबीआयशी संपर्क साधला व तक्रार दाखल केल्यानंतर सापळा रचण्यात आला. (latest marathi news)

सभागृहात प्रवेश करून बसताच सीबीआयच्या पथकाने दोघांनाही रंगेहात पकडले. दरम्यान, न्यायालयाने संशयितांची न्यायालयीन कोठडीत रवानगी केल्यानंतर सुरुवातीला त्यांना दोन दिवस सीबीआय कोठडीत पाठवून सोमवारी जामीन मंजूर केला.

दोघांची जामिनावर सुटका...

अटकेत असलेले कार्यालयीन अधीक्षक (निविदा) योगेश देशमुख आणि प्राचार्य सुरेशचंद्र जैन यांनी जामीन अर्ज दाखल केल्यानंतर सोमवारी ही परवानगी देण्यात आली.२० हजार रुपयांचा बाँड आणि दोन्ही संशयितांना ५० हजारांच्या वैयक्तिक जातमुचलक्यावर जामीन मंजूर करण्यात आला. अँड.शर्मा,ॲड.केतन ढाके यांनी कामाची पाहणी केली.

दोन्ही संशयितांचे निलंबन...

रेल्वेच्या अधिकृत सूत्रांकडून मिळालेल्या माहितीनुसार झोनल ट्रेनिंग सेंटरचे प्राचार्य सुरेशचंद्र जैन आणि कार्यालयीन अधीक्षक योगेश देशमुख यांना लाच प्रकरणात वरिष्ठ पातळीवरून निलंबित करण्यात आले आहे.