Jalgaon News : सौदी अरबच्या मक्का-मदिना येथे पवित्र हज यात्रेसाठी गेलेल्या जळगावच्या दोन भाविकांचा मृत्यू झाल्याची घटना घडली. गेल्या आठवड्यात उच्चांकी तापमानामुळे अनेक भाविकांना प्राण गमवावे लागले होते, त्यानंतर ही घटना घडली आहे. जळगाव शहरातील शिवाजीनगरच्या मागील उस्मानिया पार्क, अली मियानगर येथे डॉ. उमर देशमुख कुटुंबीयांसह वास्तव्यास आहेत. ( Two people died during holy Hajj pilgrimage )

त्यांचे वडील अब्दुल रफिक देशमुख (वय ६५), आई शाहीन बेगम अब्दुल रफिक देशमुख (६१) हे दोघे हज यात्रेसाठी गेले होते. मीना शहरात असताना उच्चांकी तापमानामुळे शाहीन बेगम यांची प्रकृती खराब झाली. त्यांच्यावर उपचार सुरू असताना रुग्णालयात त्यांचा मृत्यू झाला. पत्नीच्या मृत्युमुळे देशमुख परिवारावर शोककळा पसरली आहे. शाहीन बेगम यांच्या मागे पती, तीन भाऊ असा परिवार आहे. (latest marathi news)

पत्नीच्या शोधात पतीचा मृत्यू

पिंप्राळा हुडको भागात गुलशन रजा कॉलनीत राहणारे अजमल खान अफजल खान (वय ५४) हे पत्नी शबानाबी खान यांच्यासह हज यात्रेला गेले होते. अजमल खान सिल्लोड (जि. छत्रपती संभाजीनगर) येथील नॅशनल ऊर्दू हायस्कूलचे शिक्षक आहेत. सौदी अरेबिया येथे मीना परिसरात त्यांना चक्कर आली. त्याठिकाणी काही वेळ पत्नी शबानाबी यांच्यापासून त्यांची ताटातूट झाली. मात्र, थोड्या वेळाने शबानाबी यांना शोधत असताना अजमल खान यांना चक्कर आल्यावर त्यांची प्रकृती खालावली. वेळीच उपचार न मिळाल्याने अजमल खान यांचा मृत्यू झाल्याचे कुटुंबीयांचे म्हणणे आहे.