भुसावळ : तालुक्यातील वरणगाव येथील वासुदेव नेत्रालयाचे संचालक डॉ. नि. तु. पाटील यांनी मतदान जागृतीसाठी नेत्र तपासणीवर चक्क ५० टक्के सवलत जाहीर केली आहे. गेल्या दहा वर्षांपासून कोणत्याही निवडणुकीमध्ये ते हा उपक्रम राबवित आहे. यंदा त्यांच्या वरणगाव वासुदेव नेत्रालयात मतदार जनजागृती अभियान १३ ते २२ मेदरम्यान राबविण्यात येणार आहे. (Jalgaon Voters get 50 percent discount on eye test)
लोकसभा निवडणुकीत मतदानाचा टक्का वाढवा, तसेच आपले राष्ट्रीय कर्तव्य पार पाडण्यासाठी प्रत्येक मतदाराला मतदान करण्यासाठी प्रोत्साहन मिळावे, या हेतूने वरणगाव येथील वासुदेव नेत्रालयाचे नेत्ररोग तज्ज्ञ डॉ. रेणुका पाटील आणि डॉ. नि. तु. पाटील दर निवडणुकीप्रमाणे यंदाही मतदार जनजागृती अभियान राबविणार आहेत.
मतदान करून आलेल्या मतदारांना आठवडाभर नेत्र तपासणी फीमध्ये ५० टक्के सवलत दिली जाणार आहे. १३ मेस मतदान केल्यानंतर हे अभियान १३ ते २२ मेपर्यंत वरणगाव येथील वासुदेव नेत्रालयात चालणार आहे. लोकशाहीच्या बळकटीसाठी १०० टक्के मतदान होणे गरजेचे आहे. (latest marathi news)
शासन, प्रशासन, सेवाभावी सामाजिक संस्था मतदान जनजागृतीसाठी प्रयत्न करीत असतात. या लोकशाही उत्सवासाठी आपलाही हातभार लागावा, म्हणून डॉ. पाटील दांपत्य यांनी हा उपक्रम आयोजित केला आहे. मतदारांनी मतदान केल्यावर पुरावा, म्हणून केवळ बोटावरील शाई दाखविल्यास सवलतीचा फायदा घेता येणार आहे.
"२०१४ पासून प्रत्येक लोकसभा, विधानसभा, जिल्हा परिषद, पंचायत समिती, नगरपालिका, ग्रामपंचायत, अशा विविध निवडणुकीत हा उपक्रम राबवीत असून, त्यातून सामाजिक भान जोपासण्याचा प्रयत्न असतो. तेव्हा प्रत्येक नागरिकांनी मतदान करणे आवश्यक आहे."
- डॉ. नि. तु. पाटील, वासुदेव नेत्रालय, वरणगाव
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.