धरणगाव : शहरालगत असलेल्या कृषी उत्पन्न बाजार समितीजवळ शेतमजूर महिलांना शेतात घेऊन जाणाऱ्या वाहन उलटून एक महिला जागीच ठार झाली तर सात जखमी झाल्या. ही घटना मंगळवारी (ता. ३०) सकाळी घडली. अपघातानंतर चालक पसार झाल्याचे समजते. येथील हनुमान नगरमधील काही मजूर महिलांना शेतकामासाठी सकाळी साडेआठच्या सुमारास झायलो कारने (क्रमांक एमएच १९, एपी ९९९१) मधून शेतात नेण्यात येत होते. (Jalgaon Accident News)

शेतात जाताना कृषी उत्पन्न बाजार समितीच्या पुढे रस्त्याच्या कडेला कार अचानक उपलटी. या अपघातात कारमधील बसलेले सर्व जण कमी अधिक प्रमाणात जखमी झाले आहेत. दरम्यान, धरणगाव वैद्यकीय रुग्णालयातून मिळालेल्या माहितीनुसार चंद्रकलाबाई महाजन यांचा मृत्यू झाला आहे.

उषाबाई गुलाब महाजन (वय ३५), नीताबाई अशोक महाजन (वय ४०), स्वाती शिवाजी वाघ (वय ३४), जिजाबाई लक्ष्मण महाजन (वय ६०), माधुरी दीपक महाजन (वय ३८). (latest marathi news)

सुमन महाजन, ढगूबाई महाजन, महेंद्र पाटील हे जखमी झाले आहेत. या बाबत धरणगाव पोलिसात वाहनचालकाविरुद्ध गुन्हा दाखल करण्यात आला आहे. पोलिस निरीक्षक पवन देसले यांच्या मार्गदर्शनाखाली पोलिस कर्मचारी चंद्रकांत पाटील तपास करीत आहेत.