चाळीसगाव (जळगाव) : तालुक्यातील वरखेडे लोंढे धरणावर फिरण्यासाठी गेलेल्या काका– पुतण्याचा पोहतांना पाण्यात बुडून मृत्यू झाल्याची घटना आज सकाळी घडली. या घटनेमुळे परिसरात हळहळ व्यक्त होत आहे. (jalgaon-chalisgaon-warkhede-dam-uncle-and-boy-swimming-death)

चाळीसगाव तालुक्यातील वरखेडे बुद्रुक येथील रहिवाशी हिरतसिंग जगतसिंग पवार व पुतण्या मृणाल इंद्रसिंग पवार हे काका– पुतणे आज सकाळी आठला वरखेडे लोंढे येथील धरणावर पोहण्यासाठी गेले होते. दरम्यान, पुतण्या मृणाल इंद्रसिंग पवार हा पाण्यात पोहत असतांना पाण्यातील जाळ्यात अडकला होता. पुतण्या पाण्यातून वर न आल्याचे पाहून काका हिरतसिंग पवार यांनी देखील पाण्यात उडी घेतली. यात दोघांचा पाण्यात बुडून मृत्यू झाला.

नागरीकांची पण मृतदेहच हाती

सदर घटना तलावाच्‍या आजूबाजूला असलेल्‍या नागरीकांच्या लक्षात आली. नागरीकांनी लागलीच धाव घेवून शोध घेतला परंतु त्‍यांना वाचवू शकले नाही. काही वेळानंतर दोघांचे मृतदेहच बाहेर काढण्यात आले. त्‍यांना चाळीसगाव ग्रामीण रूग्णालयात दाखल केले असता वैद्यकीय अधिकारी यांनी मृत घोषित केले. या घटनेमुळे वरखेडे बुद्रुक परिसरात हळहळ व्यक्त होत आहे.