जळगाव : तीन महिन्यांपासून काही प्रमाणात नियंत्रणात असलेला कोरोना संसर्ग पुन्हा वाढू लागला आहे. गेल्या काही दिवसांपासून पन्नाशीच्या आत रुग्णसंख्या राहत असताना गुरुवारी दिवसभरात तब्बल ७१ नव्या रुग्णांची नोंद झाली. त्या तुलनेत अगदी निम्मेच म्हणजे ३७ रुग्ण बरे झाले. 
जळगाव जिल्ह्यात १७ सप्टेंबरपासून रुग्णसंख्या सातत्याने घटत आहे. या तीन महिन्यांत काही दिवसांचे अपवाद वगळता दररोज नव्या बाधितांची संख्या बरे होणाऱ्यांच्या संख्येपेक्षा कमी नोंदली जात होती. शिवाय, अनेक दिवसांपासून नव्या रुग्णांची संख्या पन्नाशीच्या आत राहत होती. गुरुवारी प्राप्त अहवालांमध्ये मात्र जिल्ह्यात तब्बल ७१ नव्या रुग्णांची नोंद झाली. त्यामुळे एकूण रुग्णसंख्या ५५ हजार ५६२ झाली आहे. तर ३७ रुग्ण बरे झाले, त्यामुळे बरे होणाऱ्यांचा आकडा ५३ हजार ८२४ वर पोचला आहे. 

ॲक्टिवर रुग्ण चारशेवर 
गेल्या काही दिवसांपासून घटत असलेल्या रुग्णसंख्येमुळे ॲक्टिव रुग्णसंख्या कालपर्यंत साडेतीनशेच्या टप्प्यात होती. आज ती पुन्हा चारशेचा टप्पा पार करुन ४१९वर पोचली. दुसरीकडे चाचण्या वाढल्यानेही रुग्णसंख्या जास्त दिसत आहे. गुरुवारी आरटीपीसीआर चाचणीचे १६२७ तर ॲन्टीजेन चाचण्यांचे १०७६ असे एकूण २८०० अहवाल प्राप्त झाले. त्यातून ७१ रुग्ण सापडले आहेत. 

असे आढळले रुग्ण 
जळगाव शहर २३, जळगाव ग्रामीण, जामनेर, पारोळा तालुक्यात प्रत्येकी २, भुसावळ ११, अमळनेर ६, चोपडा ४, यावल ५, रावेर ५, चाळीसगाव ७, धरणगाव, एरंडोल तालुक्यात प्रत्येकी १ रुग्ण आढळून आला. 

संपादन ः राजेश सोनवणे