जळगाव : कोरोनाच्या चाचण्या कमी झाल्या असून चाचण्यांच्या तुलनेत आढळून येणाऱ्या रुग्णांची संख्या वाढल्याचे चित्र काही दिवसांपासून समोर येत आहे. गेल्या तीन आठवड्यांपासून पॉझिटिव्हीटी रेट ६ टक्क्यांपेक्षा अधिक झाला असून रविवारी नव्याने ४१ रुग्ण आढळून आले.
जळगाव जिल्ह्यात गेल्या काही दिवसांपासून कोरोनाचा संसर्ग वाढत असल्याचे आकड्यांवरुन दिसून येते. अर्थात, यात जिल्ह्यातील अन्य तालुक्यांपेक्षा जळगाव शहरातील रुग्णसंख्या वाढत आहे. रविवारीही जिल्ह्यात आढळून आलेल्या ४१ रुग्णांमध्ये तब्बल २७ रुग्ण एकट्या जळगाव शहरातील आहेत. विशेष म्हणजे चाचण्या कमी होऊनही रुग्णसंख्या वाढत असल्याचे दिसते. रविवारी केवळ साडेसातशे चाचण्यांचे अहवाल प्राप्त झाले होते.
एका रूग्णाचा मृत्यू
आता जिल्ह्यातील रुग्णसंख्या ५६ हजार ३१८वर पोचली आहे. रविवारी दिसभरात ४४ रुग्ण बरे झाल्यानंतर बरे होणाऱ्यांचा आकडा ५४ हजार ४९० झाला आहे. गेल्या २४ तासांत एका रुग्णाचा मृत्यू झाला असून जळगाव शहरातील ४० वर्षीय महिलेला कोरोनामुळे प्राण गमवावे लागले. त्यामुळे बळींची संख्याही १३३८ झाली आहे. रविवारी जळगाव शहरात २७, जळगाव ग्रामीण, यावल येथे प्रत्येकी १, भुसावळ २, जामनेर ५, मुक्ताईनगर २ असे रुग्ण आढळले. नऊ तालुके निरंक राहिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.