जळगाव : काही कोरोना निर्बंध (Coronavirus lockdown) शिथील केल्याने जिल्ह्यात सर्वच दुकाने सकाळी ७ ते दूपारी २ दरम्यान सुरू करण्यास परवानगी देण्यात आली होती. मात्र शनिवार व रविवार दोन दिवस (Jalgaon weekend lockdown) इतर दुकाने बंद राहतील, या दोन दिवशी फक्त अत्यावश्‍यक सेवेतील दूकाने सुरू राहणार आहेत. तसे आदेश काढण्यात आले आहे. दुकाने बंदच्या पार्श्वभूमीवर आज सेंट्रल फुले मार्केट, फुले मार्केट सह सर्वच (Jalgaon market crowd) व्यापारी संकूलात नागरिकांनी खरेदीसाठी गर्दी केली होती. (jalgaon-coronavirus-weekend-lockdown-saturday-and-sunday)

गेल्या मंगळवारपासून (१ जून) शासनाच्या निर्देशानूसार ज्या जिल्‍ह्‍यात कोरोना (Jalgaon corona update) रुग्णांचा पॉझीटीव्हीटी रेट दहा टक्क्यांच्या आत आहे; तेथे निर्बंध शिथील करण्यात आले आहेत. त्यात जळगावचाही सामावेश होता. त्यानुसार जिल्हाधिकारी अभिजीत राउत यांनी निर्बंध शिथील करीत सर्वच दुकाने सुरू करण्यास परवानगी दिली आहे. सलून, ब्यूटीपार्लर, स्पा वगळता इतर सव दुकाने सकाळी ९ ते दूपारी २ दरम्यान सुरू आहेत. शनिवार व रविवारी मात्र इतर सर्व दुकाने बंदचे आदेश आहेत. यामुळे आज बाजारपेठेत इतर दुकानात खरेदीसाठी नागरिकांची झुंबड उडाली होती.

पाय ठेवणेही कठीण

शहरातील फुले मार्केट, सेंट्रल फुले मार्केटमध्ये आज बंदच्या पार्श्वभूमीवर महिलांची खरेदीसाठी तोबा गर्दी झाली होती. हॉकर्सनी रस्त्यावरच दुकाने थाटली होती, त्यातच वाहनधारकांनी वाहनेही रस्त्या लावल्याने महिलांना रस्त्यावर चालताही येत नव्हते. मात्र खरेदी तर गरजेची होती. यामुळे महिला मिळेल त्या ठिकाणावरून हव्या असलेल्या वस्तू खरेदी करीत होत्या. बाजारात होणारी गर्दी पाहता कोरोनाला कसे नियंत्रणा ठेवणार असा प्रश्‍न यानिमित्ताने उपस्थित होत आहे.