blood plasma blood plasma
जळगाव

एकाच रूग्‍णाचे दोन रक्‍तगट; प्लाझ्मा देताना उडाला गोंधळ

एकाच रूग्‍णाचे दोन रक्‍तगट; प्लाझ्मा देताना उडाला गोंधळ

सकाळ डिजिटल टीम

जळगाव : कोरोना पॉझिटीव्ह रूग्णांची संख्या वाढत असतांना उपचारातील निष्काळजीपणा पुन्हा एकदा उघडकीस आला. एका रूग्णाला प्लाझ्माची आवश्यकता असतांना सिव्हील हॉस्पीटल आणि रेडक्रॉस सोसायटी या दोन्हींमध्ये त्या रूग्णांचे वेगवेगळा रक्‍तगट आला. यामुळे निर्माण झालेल्या गोंधळात रूग्‍णाच्या जीवाला धोका निर्माण होण्याची शक्‍यता होती.

शासकीय वैद्यकीय महाविद्यालयात (जिल्हा कोविड रुग्णालय) दाखल असलेल्या एका महिला रुग्णाला चुकीचा प्लाझ्मा देत असल्याचा प्रकार सोमवारी (ता. ३) उपमहापौर कुलभूषण पाटील यांच्या सतर्कतेने उघडकीस आला. वेळीच रक्तगटाबाबत माहिती मिळाल्याने रुग्णाला प्लाझ्मा देण्यापासून थांबविण्यात आले. अन्यथा रुग्णाच्या जीवितास मोठा धोका निर्माण झाला असता.

घडला प्रकार असा होता..

एका महिला रूग्णावर जिल्हा रूग्णालयातील अतिदक्षता विभागात उपचार सुरू आहेत. या महिलेवरील उपचारासाठी प्लाझ्माची आवश्यकता असल्याचे डॉक्टरांनी सुचविले. सदर महिलेच्या नातलगांना रूग्‍ण महिलेच्या रक्‍तगटाबाबत माहिती नव्हती. यामुळे जिल्हा रूग्णालयात चाचणी करून संबंधीत महिलेला एबी पॉझिटीव्ह या रक्तगटाचा प्लाझ्मा हवा असल्‍याचे सांगण्यात आले. यानुसार महिलेचा मुलगा रेडक्रॉस सोसायटीत गेला असता येथील तंत्रज्ञांनी महिलेचा रक्तगट बी पॉझिटीव्ह असा असल्याने त्यांना याच रक्तगटाचा प्लाझ्मा लागेल असे सांगितले. यामुळे प्लाझ्मा एबी पॉझिटीव्हचा घ्यावा की बी पॉझिटीव्हचा असा मुलाच्या मनात गोंधळ उडाला.

उपमहापौर पाटील रूग्‍णालयात

सदर प्रकाराबाबत रूग्णाच्या मुलाने उपमहापौर कुलभूषण पाटील यांना कळविले. या प्रकाराची माहिती मिळताच उपमहापौर पाटील हे रूग्णालय आले. येथे त्यांनी डॉक्टरांना विचारणा करत कोरोनाच्या उपचारामध्ये प्लाझ्मा थेरपी ही महत्वाची असली तरी संबंधीत रूग्णाचा रक्तगट असेल त्याच रक्तगटाचा प्लाझ्मा आवश्यक असतो. मात्र दुसऱ्या रक्तगटाचा प्लाझ्मा दिला; तर रूग्णावर साईड इफेक्‍ट होवून जीव गेला असता, त्‍यास जबाबदार कोण अशी विचारणा करत डॉक्‍टरांना धारेवर धरले.

तर रूग्‍णाचा जीव गेला असता

शासकिय वैद्यकिय महाविद्यालय रूग्‍णालयातील कर्मचाऱ्यांच्या भोंगळ कारभारामुळे महिला रूग्णाच्या प्राणावर बेतले असते. उपअधिष्ठाता डॉ. मारोती पोटे यांनी याबाबत सांगितले, की सदर घटनेस टेक्निशियन जबाबदार असून त्याच्यावर नक्कीच कारवाई करू. यानंतर पुढे अशी घटना घडणार नाही, याची आम्ही काळजी घेऊ. उपमहापौर कुलभूषण पाटील यांच्या जागृतीमुळे शासकीय वैद्यकीय महाविद्यालय व रुग्णालयातील हा धक्कादायक प्रकार उघडकीस आला व रुग्णाचे प्राण वाचू शकले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Gold-Silver Crash: सोनं-चांदीचे भाव कोसळले! लग्नसराईआधी वर्षातील सर्वात स्वस्त दर; नेमकं कारण काय? आणखी स्वस्त होणार?

MPSC Scam: आयोगाचे दोन सदस्य चौकशी समितीच्या रडार वर? तुकाराम मुंढे काय कारवाई करणार?

राज ठाकरेंची मोठी खेळी! बड्या नेत्यांसह ३५० कार्यकर्त्यांचा मनसेत प्रवेश, एकनाथ शिंदेंसह छावा संघटनेला धक्का

Latest Marathi News Update : मंत्री संजय शिरसाट यांच्या घरावरील हल्ला प्रकरणातील ३ आरोपींना जामीन मंजूर

Kulgam Encounter: कुलगाम हल्ल्याचा बदला! लष्कर-ए-तैयबाचा टॉप कमांडर लतीफ भटसह दोन दहशतवादी ठार; जम्मू-काश्मीरमध्ये सुरक्षादलांची मोठी कारवाई

SCROLL FOR NEXT