जळगाव : शहरापासून दहा किमी अंतरावर असलेल्या शिरसोली रस्त्यालगत असलेल्या जंगल परिसरात रात्रीच्या सुमारास आगीचा भडका उडाला. जवळपास दीडशे एकर परिसरात आग पसरल्याने यात वन्य प्राण्यांचा होरपळून मृत्यू झाला.
शिरसोली रस्त्याच्या परिसरात बुधवारी रात्री अचानक आग लागली. बघता बघता दीडशे एकर जंगल परिसरात आग वेगाने पसरली. आगीचा प्रकार लक्षात येताच काही व्यक्तींनी अग्निशमन दलाला घटनेची माहिती दिली. यानंतर अग्निशमक दलाच्या बंबांनी आग विझविण्यात आली.
नागरीकांचे प्रयत्न अपुर्ण
मोहाडी गावातील ग्रामस्थ आग विझविण्यासाठी मोठ्या संख्येने घटनास्थळी पोहोचले. ग्रामस्थांसह तरूणांकडून झाडाच्या फांद्या तोडून आग विझवण्यासाठी शर्थीचे प्रयत्न करण्यात आले. मात्र आग आटोक्यात येत नव्हती. घटनास्थळी पोहचलेल्या चार अग्निशमन बंबाच्या सहायाने आग विझविण्यात आली.
वन्य प्राण्यांचा मृत्यू
शिरसोली ते मोहाडी दरम्यान असलेल्या दीडशे एकर परिसरात रात्रीच्या वेळी आग लागल्याने विझविण्यास विलंब झाला. या आगीत वन्य प्राण्यांचा मृत्यू झाल्याचे पाहण्यास मिळाले. आग विझविल्यानंतर पाहिल्यानंतर येथे मोर, बकऱ्या, जंगली कुत्र्यांचा होरपळून मृत्यू झाला होता. तसेच सातशे ते आठशे झाडे देखील जळाली आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.