तोंडापूर (जळगाव) : दि अजिंठा डोंगररांगामधील वन्यप्राणी निलगायीकडून तोंडापूर परिसरातील शेतकऱ्यांचे पपई पिकाचे मोठ्या प्रमाणात नुकसान केले आहे. शेतकऱ्यांनी वन विभागाकडे नुकसान भरपाई मिळवण्यासाठी अर्ज केला आहे. (tondapur-aria-nilgai-farm-Loss-of-papaya-crop)

तोंडापूरसह परिसरात मोठ्या प्रमाणात वन्यप्राणींचा वावर आहे. तोंडापूर येथील शेतकरी उषाबाई वसंत पाटील यांचे शेत ढालसिंगी शिवारात असून त्याच्या गट क्र ५८ या ७ एकर श्रेत्रात सहा हजार पपई रोपांची लागवड करण्यात आली आहे. हा परिसर अजिंठा डोंगररांगामध्‍ये असल्याने शिवारात निलगायींची वावर मोठ्यात प्रमाणात असतो. शेतातील चार हजार पपई झाडांचे निलगाय वन्यप्राणीकडून नुकसान करण्यात आले आहे.

नुकसान भरपाईसाठी अर्ज

तोंडापूर परिसराला लागून अजिंठा डोंगररांगा असल्याने मोठ्या प्रमाणात हरीण, नीलगाय, रानडुक्कर, मोर, अस्वल व इतर प्राण्यांचा वावर आहे. त्यामुळे वनविभागाच्या वतीने ग्रस्त घालण्यात यावी व शेतकऱ्यांना नुकसान होवु नये यासाठी उपाययोजना करण्यात यावी अशी मागणी जोर धरत आहे. पपई पिकाच्‍या नुकसानीबाबत वनविभाग जामनेर याच्याकडे शेतकऱ्यांकडून नुकसान भरपाई अर्ज करण्यात आला आहे. वन रक्षक पि. बि. काळे व कर्मचारी शब्बीर पिंजारी यानी नुकसानीचा पंचनामा केला.

अन्‍न पाण्याच्या शोधात

अन्न पाण्याच्या शोधात ते गाव वस्तीकडे भटकंती करत असतात. त्यामुळे या भागात कपाशी, तुर, मका, कडधान्य यांचे मोठ्या प्रमाणात नुकसान वन्यप्राणींकडून होत असते. सध्या शेतीत मशागत व पेरणीचे कामे सुरु असल्याने व वन्यजीवांना अन्न मिळत नाही. तोंडापूर परिसरात बागायती शेताकडे मोर्चा वळवत केळी, पपई व अन्य बागायती पिकाचे नीलगाय व हरीण यांच्याकडून नुकसान होत आहे.