जळगाव ; जळके येथील तरूणाने राहत्या घरी गळफास घेऊन आत्महत्या केल्याची घटना उघडकीस आली असून त्याने कर्जबानजरीपणाला कंटाळून आत्महत्यासारखे टोकाचे पाऊल उचलल्याचे माहिती समोर येत आहे.
जळके (ता.जळगाव) येथील धनराज संतोष जाधव (वय ३६) असे तरूणाचे नाव आहे. धनराज हा मजुरी काम करत होता. पत्नी, दोन मुले व मुलगी असा त्यांचा परिवार आहे. पत्नी सीमा ही दोन दिवसांपूर्वी मुलासंह माहेरी जळगाव जामोद येथे गेली होती. त्यामुळे धनराज घरी एकटाच असताना त्याने सोमवारी राहत्या घरात गळफास घेऊन जीवन संपविले. राहत असलेल्या परिसरात गावातच त्यांची आई वडील आणि भाऊ राहतात.
शेतातून आई- वडील आल्यानंतर घटना उघडकीस
आई- वडील सायंकाळी घरी परतल्यानंतर त्यांना धनराजने गळफास घेऊन आत्महत्या केल्याचे निदर्शनास पडले. घटनेची माहिती मिळाल्यावर जळकेकर महाराज यांच्यासह पोलिस पाटील संजय चिमणकर घटनास्थळी गेले. यानंतर धनराजला खाली उतरवून त्यास जिल्हा रुग्णालयात हलविले. मात्र उशीर झाल्याने वैद्यकीय अधिकाऱ्यांनी त्यास मृत घोषित केले. याप्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे. कर्जामुळे धनराज काही दिवसांपासून नैराश्यात असून त्यातूनच त्यांने आत्महत्या केल्याचे गावकऱ्यांकडून सांगण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.