भुसावळ: उत्तर प्रदेश मधील भदोली गावातील महिला सुरत मध्ये आपल्या पती व मुलांसोबत राहत असून, कुणालाही न सांगता रेल्वेने दुपारी भुसावळ रेल्वे स्थानकावर आली असता, टीसी स्टॉफ ने तिकीट विचारले. तिकीट नसल्याने महिलेस टिसी लॉबी मध्ये बसविले महिलेस विचारणा केली असता ती पळून आल्याची सत्यता समोर आली. टी.सी स्टॉफ सतर्कतेमुळे महिला लोहमार्ग पोलिसांच्या स्वाधीन केले.  

आवश्य वाचा- अरे बापरे अचानक एवढा कापूस आला कुठून;  कुर्‍हे कापूस केंद्रावर रातोरात वाहनांच्या रांगा !

उत्तर प्रदेशातील भदोली जिल्ह्यातील खुशबु योगेशसिंग (वय 20 ह.मु.कैलास चौकी,ईश्वर नगर,सुरत) मध्ये राहत असून पती सोबत भाडंण करून कुणालाही न सांगता रागाच्या भरात घरून निघून रेल्वेने भुसावळला आली. प्लॅटफॉर्म वर उतरली असता, टीसी स्टॉफ ने तिकीट विचारणा केली. मात्र तिकीट नसल्याने महिलेस टिसी लॉबी मध्ये बसविले. महिला टीसी यांनी महिलेची विचारणा केली असता ती घरून पळून आल्याची सत्यता समोर आली. याबाबत टीसी स्टॉफने एस.सी.एम. ए.के. पाठक यांना माहिती दिली असता रेल्वे सुरक्षा बल कार्यालयात मेमो देण्यास सांगितले.

रेल्वे सुरक्षा बलच्या उपनिरीक्षक दीपा सिंग यांनी भेट घेऊन मेमो घेण्यास नकार दिला. या बाबत एस.सी.एम. पाठक यांना कळविले असता त्यांनी कंट्रोल यांना सूचना देऊन सर्व माहिती दिल्याचे सूत्रांनी सांगितले.तसेच टीसी स्टॉफला लोहमार्ग पोलीस स्टेशनच्या नावाने मेमो बनविण्याचे आदेश दिले.

वाचा- विकेल ते पिकेल’ संकल्पनेतून आता भरीताच्या वांग्यांची विक्री -

त्यानुसार टीसी स्टॉफ लॉबीचे इंचार्ज शेख गोठले, नवनीत तिवारी, दीपाली बोबडे, मोहम्मद अकिल, एम.डी. फिरके, आयटीसीएओ सचिव निसार खान अशांनी रेल्वे सुरक्षा बलच्या दीपा सिंग व दोन कर्मचारी सोबत घेऊन महिलेस लोहमार्ग पोलीस स्टेशनच्या स्वाधीन केले. टीसी स्टॉफ लॉबी ने मिळून लोहमार्ग पोलीस स्टेशनच्या निरीक्षकांच्या स्वाधीन केले. निरीक्षकांनीे सुरतला महिलेच्या परिवारास संपर्क साधला असता महिलेचे पती लवकरच भुसावळ स्टेशन गाठून महिलेस ताब्यात घेणार असल्याची माहिती टीसी स्टॉफने दिली.  

संपादन- भूषण श्रीखंडे