वाघळी(ता.चाळीसगाव) : येथील दोन मुलांचा तितूर नदीपात्रात पोहायला गेले असता खोल पाण्यात बुडून मृत्यू (Drowning death) झाल्याची घटना घडली उशिरापर्यंत मृतदेह सापडत नसल्याने एक मृतदेह काढण्यात पोलीसांना (Police) यश आले तर दुसरा मृतदेह रात्री उशीरापर्यंत शोध सुरु होता.

पोहण्यासाठी गेलेल्या वाघळी येथिल रहिवासी १४ ते १६ वर्षे वयोगटातील दोन सख्खे भाऊ पाण्यात बुडून मृत्यूमुखी पडल्याची घटना आज घडली. पोलीस पाटलांनी पोलीस आणि तहसिलदारांना माहिती दिल्यावर तहसीलदार अमोल मोरे घटनास्थळी दाखल झाले. वाघळी गावालगत तितुर नदीपात्रात कमळेश्वर के. टी. वेअरजवळ रविवारी ही घटना घडली.

नदीत बुडून मृत्यू झालेल्यांमध्ये साहिल शहा शरीफ शहा फकीर (वय १४) व आयान शहा शरीफ शहा फकीर (वय १६) अशी या दोन भावांची नावे आहेत. नदीत पोहत असताना त्यांना पाण्याच्या खोलीचा अंदाज आला नाही. यामुळे ते पाण्याच्या प्रवाहात वाहू लागले. यातून त्यांना बाहेर निघता आले नाही. यामुळे त्यांचा बुडून मृत्यू झाला. या घटनेची माहिती कळताच ग्रामस्थांनी नदीपात्रात जाऊन शोध घेण्याचा प्रयत्न केला मात्र एकाचा मृतदेह चाळीसगाव ग्रामिण पोलीस ठाण्याचे पोलीस कॉ.बिभिषण सांगळे यांनी आयानचा मृतदेह काढला तर साहिल अद्यापही बेपत्ता असून उशिरापर्यंत त्याचा शोध सुरू होता.