मेहुणबारे (ता.चाळीसगाव): दिवाळी सणाच्या पार्श्वभूमीवर मुलांना कपडे घेण्यासाठी घरच्यांनी कमी पैसे दिले याचा राग येवून 32वर्षीय विवाहीतेने छताला साडीने गळफास लावून आत्महत्या केली. ही दुर्देवी घटना तालु्नयतील मेहूणबारे येथे घडली. या दुर्देवी घटनेने मयत विवाहीतेचे मुलांसह कुटुुंब मात्र उघड्यावर पडले.
मेहूणबारे (ता.चाळीसगाव) बजार पट्टा भागात राहणाऱ्या सिमा उर्फ जिजाबाई गोरख सोनवणे (वय32) हिने मुलांच्या कपडे खरेदीकरीता पैसे कमी दिल्याचा राग येवून स्वत:च्या घरी छताचे लाकडी खांबास साडीने गळफास घेऊन आत्महत्या केली. ही दुर्देवी घटना दुपारी दोन ते अडीच वाजेच्या सुमारास नुकतीच घडली. याप्रकरणी गोरख दगा सोनवणे यांनी दिलेल्या खबरीवरून मेहूणबारे पोलीस स्टेशनला अकस्मात मृत्युची नोंद करण्यात आली आहे. तपास एएसआय जालमसिंग पाटील हे करीत आहेत.
ऐन दिवाळीच्या घटनेने समाजमन सुन्न
कोरोनाच्या संकटातही दिवाळी सारखा सण गोडधोड करण्यासाठी सर्वत्र धडपड सुरु असतांना केवळ मुलांच्या कपड्यासाठी कमी पैसे मिळाल्याने विवाहीतेने कायमचे जीवनच संपविल्याने मेहूणबाऱ्यासह परिसरात समाजमन सुन्न झाले आहे.जिजाबाईच्या आत्महत्येने तिच्या मुलांसह परीवारच उघड्यावर पडला आहे. या दुर्देवी घटनेने हळहळ व्यक्त होत आहे.
संपादन- भूषण श्रीखंडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.