एरंडोल (जळगाव) : येथील नगराध्यक्ष रमेश परदेशी यांचे पुत्र तथा भारतीय जनता पक्षाचे शहराध्यक्ष निलेश परदेशी यांच्या बुलेटची रात्री अज्ञात चोरट्याने चोरी केली. नगराध्यक्षांच्या घराच्या आवारातूनच बुलेट चोरीमुळे अन्य वाहन धारकांमध्ये भितीचे वातावरण निर्माण झाले आहे. शहरात मोटर सायकल चोरीच्या प्रमाणात वाढ झाली असून चोरट्यांना पकडण्याचे आव्हान पोलिसांसमोर उभे राहिले आहे.
एरंडोल नगराध्यक्ष रमेश परदेशी यांचे पुत्र तथा भाजपचे शहराध्यक्ष निलेश परदेशी हे काल रात्री कृषी केंद्र बंद करून घरी आले. रात्री त्यांनी त्यांच्या मालकीची बुलेट (क्रमांक एमएच 19, सीएल 9055) घरासमोरील अंगणात लावली होती. सकाळी सात वाजता त्यांना अंगणात लावलेली बुलेट दिसून आली नाही. यामुळे त्यांनी घराच्या परिसरात तसेच गावात शोध घेतला असता गाडी आढळून आली नाही. याबाबत निलेश परदेशी यांच्या तक्रारीवरून पोलीस स्थानकात अज्ञात चोरट्याविरोधात गुन्हा दाखल करण्यात आला. पोलीस चोरट्याचा शोध घेत आहेत.
यापुर्वीही घटना आता तर नगराध्यक्षाच्या घरीच
दरम्यान शहरात मोटर सायकल व मोबाईल चोरीच्या घटनांमध्ये वाढ होत असल्यामुळे नागरिकांमध्ये भितीचे वातावरण निर्माण झाले असून चोरट्यांना पकडण्याचे आव्हान पोलिसांसमोर उभे राहिले आहे. यापूर्वी देखील निलेश परदेशी यांच्या मोटर सायकलची चोरी झाली असून तिचा अद्यापपर्यंत तपास लागलेला नाही. दरम्यान मोटर सायकल चोरीच्या घटनांमध्ये वाढ होत असल्यामुळे पोलिसांनी रात्रीची गस्त घालावी अशी मागणी नागरिकांनी केली आहे.
संपादन ः राजेश सोनवणे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.